Qazannan «Qaramola jarǵysy» tabyldy

Tatarstannyń Qazan qalasynan Abaı Qunanbaıulynyń Qaramola jarǵysynyń túpnusqa kitaby tabyldy. Asa qundy jədigerdi elge «Jıdebaı-Bórili» memlekettik qoryq-mýzeıiniń qyzmetkerleri alyp keldi dep habarlaıdy Qamshy.kz aqparat agenttigi. 

Esterińizge sala keteıik, bul kitap 1886 jyly Qazandaǵy Imperatorlyq ýnıversıtettiń baspahanasynan basylyp shyqqan. Onda 1885 jyly Abaıdyń tóbe bı bolǵan Qaramola sezinde qabyldaǵan jarǵysy qadym jazýymen jazylǵan. «Qaramola jarǵysy» negizinen HIH ǵasyrdaǵy adam quqyqtarynyń saqtalýy men bostandyǵyn qamtyǵan. Sol kezdegi qazaq arasynda keńinen taralǵan atalmysh eńbekti Abaıdyń ózi qurastyryp shyqqan. 

Abaıdyń «Jıdebaı-Bórili» qoryq-mýzeıiniń baspasóz qyzmeti usynǵan derekterge súıensek, kitaptyń qazirgi grafıkaǵa aýdarylǵan nusqasy burynnan bar bolǵanmen túpnusqasy nemese kóshirmesi qolǵa túspegen. Endi mine sol olqylyqtyń orny tolyp otyr. Qazannan tabylǵan qundy mura osy ýaqytqa deıingi aýdarmalardy túpnusqamen salystyrýǵa jəne jan-jaqty zertteýge múmkindik beredi.