• USD 378.65
  • EUR 430.07
  • RUB 6
  • CNY 55.1
16 Shilde, 23:23:27
Almatyda shaǵyn avtobýs órtke orandy (vıdeo)

05 Shilde, 2019 Suhbat

Rınat Zaıtov Qosanov týraly bar shyndyqtyń betin ashty (vıdeo)

— Sen partııa quramyn, zań talaptaryn jattaımyn dep ýáde bergen ediń. Zań talaptaryn jattap bastadyń ba? Iá, endi bastamaqpyn. Qazir jazǵy demalys. Múmkinshilik bar.

Qamshy.kz portalynda Irına Sovetjanqyzynyń "Qamshy-suhbat" habary ashyldy. Habardyń alǵashqy qonaǵy — aıtysker aqyn Rınat Zaıtov. Suhbat barysynda Rınat Zaıtov qoǵamda qyzý talqyǵa túsken máselelerge qatysty pikir bildirdi.

— Saılaýdan keıin seni qamaýǵa alǵan kezde qazaq jastarynyń seni qalaı jaqsy kóretinin baıqadyq. Bul jaǵdaı saǵan qalaı áser etti?

— Birinshiden kútpegen jaǵdaı boldy. Men qazaq jastarymen burynnan jaqsy qarym-qatynastamyn. Saılaý kúni júzdegen stýdentti qamap ustap otyrǵan bir-eki oqý oryndaryna bardyq. Aıqaılasyp júrip olardy shyǵaryp aldyq. Sol kúni men ári ketse, 15 kúnge qamaıdy dep oıladym. Biraq qazaq jastarynyń jınalyp, meni bosatýyn suraıdy dep kútpedim. Men ishte otyrǵan kezde maǵan qyzmetkerler "sen dalada ne bolyp jatqanyn bilesiń be?" dep surady. Men bilmeıtinimdi aıttym. "Seni bosatýdy surap, jınalyp jatyr" dedi. Sodan soń men jınalǵan adamdardy qaıtarý kerek degen bolatynmyn. Men "kez kelgen mıtıng, sheýde halyq utpaıdy, kerisinshe utylady" degendi burynnan aıtyp júrmin. Sebebi mıtıngte báribir qan tógiledi. Sondaı-aq mıtıngte bireýdiń jalǵyz uly, qaryndasy, baýyry bolady. Biz árbiriniń bas amandyǵyn oılaýymyz kerek. Bul jaǵdaıdan keıin men ózimdi eń baqytty aqyn dep esepteımin. Keremetteı óleń jazyp júrgenim joq. Degenmen halyqtyń maǵan degen shynaıy yqylasyn kórip, shyn qýandym. 

— Polısııa qamaǵan sátte sen asa qatty qarsylasa qoımadyń. Bul  seniń zańsyzdyq jasaǵanyńdy moıyndaǵanyń ba, álde jaǵdaıdy ýshyqtyryp jiberem dep qoryqtyń ba?

— Meni ustap alyp bara jatqan kezde meniń qolymnan qapsyryp ustap alǵan adam "Rınatty jibermeımin" dep shyryldap, janyn berip tur. Eger men qandaı da bir áreketke baratyn bolsam, sol jerdegi halyqtyń barlyǵy qarsylasatyn edi. Al bul men aıtqan qantógiske ákelip soǵady. Men sodan qoryqtym. Sondyqtan biz sol jıynǵa ruqsat suramadyq. Sebebi bul aıaq asty bolǵan jıyn boldy. Sebebi de belgili. Qosanov dep aıta bereıin, atyn asa aıtqym kelmeıdi. Sol adamǵa senip, qalardyń aldynda maǵan "aldanyp qalsańyz qaıtesiz?" dep suraq qoıyldy. Men "halyq aldynda tizerlep turyp keshirim suraımyn" dep jaýap berdim. Er azamat aıtty ma, aıtqanyn oryndaý kerek. Bizde de zańsyzdyq bar ekenin bildik. Sebebi ruqsat etilmegen jıyn jasadyq. Ruqsat berilmeıtin de edi. Zań bizge qarsy bolǵandyqtan, bizge aıyppul salyp, 15 kúnge qamaıtynyn da bildik jáne ishteı daıyn boldyq. 

— Tizerlep el aldynda keshirim suradyń. Keshirdi dep oılaısyń ba?

–Túsingender keshirdi degen oıdamyn. Sebebi ıilgen basty qylysh kespeıdi. Sebebi, halyqtyń jartysynan kóbi sendi, úmitpen qarady. Men Qosanovpen 2 ret kezdestim. Kezdesken kezde oǵan "halyq aldanasyń dep jatyr. Eger solaı bolsa, men osy jerden qoıa salaıyn" dep aıtqan edim. Onyń  oıynda ne bolǵanyn men bilmeımin. "Joq baýyrym, bári durys. Erkekshe sózim", - dep aıtqan edi. Sóıtip, ol jigitshe sóz berip, qol alysqan bolatynbyz. 

— Sen "partııa quramyn, zań talaptaryn jattaımyn" dep ýáde bergen ediń. Zań talaptaryn jattaı bastadyń ba?

— Iá, endi bastamaqpyn. Qazir jazǵy demalys. Múmkinshilik bar. Qazir bári partııa qurý jóninde aıtyp júr. Biraq men partııa qurýdyń negizgi sharttary týraly da bilmeımin. Onyń bárin zerttep bilý kerek. Shyny kerek, qazir aınalamda tolyqtaı senim artyp, seriktes bolatyn adam joq. Men baıqamadym. "Aýzy kúıgen úrlep isher" demekshi, kimge senerimdi bilmeımin. Sodan soń Qazaqstannyń Áblıazov degen shetelde otyrǵan sáýegeıi bar ǵoı. Sol "Endi bılik Rınatqa partııa ashyp beredi" dep aıtypty. Men onyń ótirikshi ekenin dáleldegim keledi. Sózimdi dáleldeý úshin "joq men eshqandaı áreketke barmaımyn" dep aıtsam da bolady. Biraq meniń kózqarasym, pikirim ózgergen joq. Osyny men kópshilikke túsindirgim keledi. Jaraıdy, eshqandaı partııa qura almadyq dep oılaıyqshy. Biraq men kez kelgen múmkindikti qolymnan kelgenshe halyqtyń jaǵdaıyn aıtyp qalýǵa paıdalanamyn. 

 

Qate tapsańyz, qajetti bólikti tańdap ctrl+enter basyńyz.

Pikir qaldyrý

7 pikir

Sarash Sahıqyzy 05 Shilde, 2019

Jurt ne dese o desin, men osy balanyń tazalyǵyna senemin!

Teljan 05 Shilde, 2019

Rınat baýyrym eshqandaıda halyqtyń saǵan renishi joq dep oılaımyn. Sebebi Qosanovqa sengen halyqtyń biri menmin. Jasym jetpiske keldi, aqyl toqtatyp óz bala shaǵa nemere , aǵaıyn quda jekjatqa aqyl aıtyp, aıtqanymdy tyńdattyratyn qarttyń biri edim, al Qosanov tátti kámpıt bergen baladaı tátti sózimen aldap óte shyqty. Meniń onyń sózine sengenim, onyń tegi Álimniń Tórtqarasy dedi, Álim atanyń Tórtqarasynnan ataqty Áıteke bı shyqqan men sosyn oǵan qudaıdaı sendim ári sóziniń rastyǵyna anasyn kýálikke qoıyp áńgme aıtty. Sendim oǵan barlyq aǵaıyn týys quda jekjattardyń bárine tek Qosanovqa daýys beresińder dep mılaryn jedim. Arty satqyndyqpen aıaqtaldy, atamyz Áıteke bir aýnaǵan shyǵar nemenesniń qylyǵyna. Rınat saǵan esh renish joq, seniń bolashaǵyń aldyńda partııa qurasyńba onda degenińe jet inim, men syrtyńnan tileýqor aǵańmyn. Oqy inim zańdy oqy, men sııaqty qarabaıyr bolmassyń, zańdy kóp oqy. Saǵan tek jaqsylyq tileımin.

Sandýǵash Abdýalıqyzy 05 Shilde, 2019

Júrekten shyqqan shynaıy áńgime boldy! ? Eshqandaı jasandylyq joq. Júrekten shyqqan sóz júrekke jetedi dep oılaımyn.

Sandýǵash Abdýalıqyzy 05 Shilde, 2019

Júrekten shyqqan sóz júrekke jetedi dep oılaımyn. Shynaıy suhbat boldy. Eshqandaı jasandylyq joq! ? Aman bolyńyzdar!

Aýylbaı. 06 Shilde, 2019

Sen rınat endi saıqaldanbaı-qoı, Dombrańdy dyńǵyrlatyp júre ber. Tapsyrmany jaqsy oryndadyń.