Mıllıonǵa jıhaz satyp alǵan mınıstrlik

Eńbek jáne áleýmettik qorǵaý mınıstrligi 7 mln teńgege keńse jıhazdaryn satyp aldy degen aqparatqa qatysty túsinikteme berdi dep habarlaıdy Qamshy.kz aqparat agenttigi Zakon.kz saıtyna silteme jasaı otyryp.

Memlekettik satyp alýlar saıtynda taýar jetkizýshiler 30 kúnniń ishinde Eńbek mınıstrligine keńsege arnalǵan jıhazdyń 10 komplektisin jetkizý kerek degen aqparattan shı shyqty. О́ıtkeni osy maqsatqa bıýdjetten baqandaı 7 mln teńge bólingen. Bul soma eldiń túsinbeýshiligin týǵyzyp, aqyry quzyrly mekemeniń baspasóz hatshysy Qanat Qulshymanov oǵan jaýap berýge májbúr boldy. Ol Facebook-tegi paraqshasynda birqatar dálel keltirip, aıǵaq sýretter jarııalady.

"Búgin biraqatar BAQ betterinde Eńbek mınıstrligi satyp alǵan keńse jıhazyna qatysty málimetter jarııalandy. Osy máseleniń basyn asha ketsem deımin. Bizdiń mınıstrliktegi jıhazdardyń jańalanbaǵanyna 10 jyl bolǵan. Sońǵy ret 2008 jyly satyp alyndy ǵoı deımin. Búginderi keńsedegi jıhazdardyń 80 paıyzy eskirip, tozyǵy jetken.

Qyzmetkerlerimizdiń eńbek jaǵdaıyn jaqsartý maqsatynda bıyl keńse jıhazynyń 10 komplektisin alyp jatyrmyz. Oǵan jumys kreslosy, ústelder, qujat pen kıim ilýge arnalǵan shkaftar, syrmalar jáne taǵysyn taǵy. Barlyǵy - 80 zat. Mine, osynyń báriniń jalpy quny 7 mln 142 myń teńge boldy.

Sodan keıin, basa aıta keter jaıt, memlekekttik satyp alýlardyń erejesi boıynsha taýardyń eń tómengi baǵasyn usynǵan taýar jetkizýshi tańdalyp alynady bul arada.

Jıhaz 10-15 jylǵa dep alynady. Sondyqtan ol sapaly ári qaýipsiz bolýy tıis. Sonyń ózinde eshkim sheteldiń qymbat jıhazyn alyp jatqan joq. Otandyq taýarlar onyń bári",- dep jazdy ol.

Odan keıin óz sóziniń dáleli retinde myna sýretterdi jelide jarııalady.