05 Shilde, 2019 Ult bolmysy
Qazaqqa "ájethanaǵa barýdy úırettik" deıtinderdiń qulaǵyna altyn syrǵa
Qazaqtarda medısına bolǵan emes, keıinnen orystardan úırengen
2004 jyldyń shilde aıynda emhanamyzǵa Anglııadan arnaıy kelgen professor:
– Sizderdiń ata-babalaryńyzda ózindik qalyptasqan medısına, shıpagerlik bolǵan ba, joq álde, keıinnen úırendińizder me? – dep suraq qoıdy.
Osy sátte bizde isteıtin professor orys áıeli birden:
– Qazaqtarda medısına bolǵan emes, keıinnen orystardan úırengen, – dep qoıyp qaldy. Men orys áıeldiń sózin aıaǵyna deıin sabyrmen tyńdap boldym da, aǵylshyn dárigerge bylaı dedim:
– Sizge mysal retinde eki máseleni aıtaıyn, sosyn bizdiń ata-babamyzda medısına bolyp-bolmaǵandyǵyn ózińiz sheshińiz.
– Jaqsy.
– Sizderde as qorytýǵa qajetti mańyzdy fermentti bóletin bezge “Pancreas” deıdi. Bul “tasbaqanyń jotasyndaǵy tasy, ıaǵnı, saýyty” – degendi bildiredi. Iаǵnı sizder bezdiń syrtqy uqsastyǵyna, onyń túrine qarap osylaı ataǵansyzdar. Al orystarda “podjelýdochnaıa jeleza” deıdi. Olar da asqazannyń astynda ornalasqandyǵy úshin osylaı ataǵan. Ekeýi de kózben kórgenine qarap ataý bergen. Al bizdiń ata babalarymyz “uıqy bezi” deıdi. Sebebi bul bez jumysyn toqtatqan jaǵdaıda, adam komaǵa, ıaǵnı uıqyǵa ketedi. Eger ata-babalarymyzda medısına bolmaǵan bolsa, onda atalmysh bezdiń komaǵa sebep bolatynyn qaıdan bilgen? – degenimde, aǵylshyn professory únsiz basyn shulǵydy.
– Sosyn gen ǵylymy damyǵannan keıin ǵana ǵalymdar túrli aýrýlardyń neshe ataǵa deıin tuqym qýalaıtyndyǵyn dáleldep otyr. Al bizdiń ata-babalarymyz jeti ataǵa deıin qyz berisip-alysýǵa tyıym salǵan jáne bul tyıym áli kúnge deıin jalǵasyp kele jatyr. Qazaqtar medısınany bilmegen bolsa, olar ǵylym endi ǵana bilip jatqan aýrýdyń neshe ataǵa deıin tuqym qýalaıtyndyǵyn qalaı bilgen? – degenimde, álgi professordyń kózi sharadaı bolyp:
– Shynymen de sizderde jeti ataǵa deıin úılenýge bolmaı ma? Bul ǵajap eken. Ǵajap! Mynandaı halyqta “medısına bolmady” deýge áste bolmaıdy, – dedi tańdanysyn jasyra almaı. Al ana professor orys áıel: “Ersın Týrsynhanovıch, ıa etı momenty ne znala” – dep qaıta-qaıta keshirim surady.
Oılanatyn dúnıe. Mundaı mysaldar óte kóp. Endeshe bizder ata-babamyzben maqtanýymyz qajet. Alaıda, bul maqtanysh óz-ózimizdi jubatý úshin emes, shabyttandyrý úshin kerek.
Ersin Tursynhanuly, travmatolog
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir