• USD 378.65
  • EUR 430.07
  • RUB 6
  • CNY 55.1
21 Tamyz, 09:30:04
Alpınısterdiń naqty qaı jerde ekeni áli belgisiz

05 Shilde, 2019

"Nazarbaevtar áýletin masqaralaǵasy kelmegen beımálim adam Aısultan Nazarbaevtyń isin jyly jaýyp qoıýdy usynǵan"

28 jastaǵy Nursultan Nazarbaevtyń jıen nemeresine qatysty sot otyrysy ashyq túrde ótýde.

Londondaǵy Sazark aýdanynda Aısultan Nazarbaevtyń isine qatysty aldyn ala tyńdaý ótken bolatyn. Oǵan esirki qoldanǵan kúıde, polısııa qyzmetkerine qarsylyq tanytqan, uryp jáne tistep alǵan degen aıyp taǵylǵan. 28 jastaǵy Nursultan Nazarbaevtyń jıen nemeresine qatysty sot otyrysy ashyq túrde ótýde dep jazady Qamshy.kz aqparat agenttigi bbc.com saıtynyń deregin negizge alyp. 

Sot otyrysy kezinde Aısultan Nazarbaev ózine qoıylǵan suraqtarǵa jaýap bermeı, únsiz otyrdy. Aıyptaýshy Gregor Makkınlı 3 maýsymda Aısultan Nazarbaev London ortalyǵynda ornalasqan qonaq úılerdiń birinde janjal shyǵarǵanyn aıtty. Ol balkonǵa shyǵyp, óz-ózine qol jumsaıtynyn aıtyp, aıǵaılaǵan. 

Sondaı-aq osyndaı jaǵdaı 5 maýsymda taǵy da qaıtalanǵan. Bul joly kórshileri polısııa shaqyrypty. Makkınlıdiń aıtýy boıynsha, Aısultan Nazarbaev ózin óte dóreki ustaǵan jáne janyndaǵy adamdardy qorqytyp, ózine qol jumsaıtynyn aıtqan. Sondaı-aq kezekshi polısııa qyzmetkeri Rossa Sambrýktyń keýdesinen uryp, sol qolyn tistep alypty. 

Keıin Aısultan Nazarbaevty tutqyndap, qamaýǵa alǵan. Biraz ýaqyttan soń polısııaǵa  Nazarbaevtar áýletin masqaralamaý úshin bul isti jyly jaýyp qoıýdy usynǵan aty-jóni belgisiz adamnan qońyraý kelip túsken. Makkınlı habarlasqan adamdy Qazaqstan bıliginiń ókili dep boljam jasaǵanyn, alaıda onymen kelisimge kelmegenin aıtty. 

Memlekettik prokýror Aısultan Nazarbaevtyń kokaın qoldanǵanyn aıtty.

Aısultan Nazarbaevtyń advokaty Alısdeır Ýılıamson aldyn ala tyńdaýǵa qatyspady. Advokat Aısultan Nazarbaevty 90 myń fýnt mólsherinde kepildigimen bosatyp, belgili bir shekteýler qoıýdy usyndy. Sondaı-aq advokat Aısultan Nazarbaevtyń esirtkige táýeldi ekenin jasyrmady jáne oǵan laıyqty klınıka izdep jatqanyn aıtty. 

Eske sala ketsek, 2017 jyly Aısultan Nazarbaev óziniń feısbýk paraqshasynda jurtty eleń etkizgen jazba qaldyrǵan bolatyn. Ol ákesiniń óliminen keıin esirtkige táýeldi bolǵanyn moıyndady. Keıin bul táýeldilikten arylýyna atasy (Nursultan Nazarbaev — red.) jáne Qudaı kómekteskenin aıtty. 

Sot Fılıpp Barbel Aısultan Nazarbaev kepildikpen bosataýǵa daıyn ekenin málimdedi. Biraq Aısultan Nazarbaev esirkige táýeldilikten ońaltý klınıkasynda emdelýi kerek. Áıtpese ol qamaýda qalatyn bolady. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir