• USD 378.65
  • EUR 430.07
  • RUB 6
  • CNY 55.1
21 Tamyz, 09:42:50
Alpınısterdiń naqty qaı jerde ekeni áli belgisiz

04 Shilde, 2019 Áleýmet

Rınat Zaıtov saılaýdan keıin alǵash ret aıtysqa qatyspaq (vıdeo)

Rınat Zaıtov odan bólek taǵy birneshe márte aıtysqa qatysýshylardyń tiziminde atalyp, biraq aıtys ótetin kúni "tizimnen syzylǵan".

Aıtysker aqyn Rınat Zaıtov Shyǵys Qazaqstan oblysy Úrjar aýdany Qabanbaı aýylynda ótetin "El aıbyny, jyr aıdyn - Alakól" atty aıtysqa qatysady dep jazady Qamshy.kz aqparat agenttigi. Bul týraly aıtys aqyndary men jyrshy, termeshilerdiń halyqaralyq odaǵynyń áleýmettik jelidegi paraqshasynda aıtyldy. 

Aıtyskerler odaǵynyń málimetinshe, Úrjar aýdany ákimdiginiń uıymdastyrýymen  13 shildede ótetin aıtysqa Zaıtovtan bólek, Aspabek Shuǵataev, Rústem Qaıyrtaıuly, Erkebulan Qaınazar, Muhtar Nııazov jáne t.b aıtys aqyndary qatysady. 

Rınat Zaıtov Qazaqstanda 9 maýsymda ótken kezekten tys prezıdent saılaýynyń aldynda halyqty saılaýǵa shaqyryp, belsendilik tanytty. Saılaýdan keıin 10 maýsymda saǵat 18.00-de aqyn Almaty qalasyndaǵy "Alataý" dástúrli óner teatrynyń aldynda bir top baqylaýshylarmen birge "saılaýdyń ádiletsiz ótkenin", aldaǵy ýaqytta óziniń "partııa quratyn oıy bar" ekenin aıtyp, alańǵa shyqqan. Arnaıy jasaq pen polısııa ókilderi Zaıtovty alańda sóılep turǵan jerinen ustap,  Almaty qalalyq polısııa departamentine alyp ketti.  

10 maýsym kesh batqan kezde Almaty polısııa departamentiniń aldyna myńǵa jýyq adam jınalyp, bılikten Rınat Zaıtovty bosatýdy talap etti. Olardyń arasynda óner adamdary, aqyndar, jýrnalıster jáne t.b. tanymal adamdar boldy. Zaıtovtyń ózi jınalǵandardy taraýǵa shaqyryp, halyqtyń aldyna keldi. 

Sol oqıǵanyń ertesinde Rınat Zaıtovtyń Iýtýb jelisindegi jeke arnasyndaǵy vıdeolar túgelimen joıylyp, aqyndy "joǵaltyp alǵandar" kóp boldy. Áleýmettik jelide biraz adamdar  "Zaıtov bıliktiń aıtqanyna kóndi" dep synasa, onyń jaqtaýshylary aqynnyń "ómirine qaýip tóne me" dep alańdady.

12 maýsymda belgili aqyn, "Aıtys aqyndary men jyrshy-termeshilerdiń halyqaralyq odaǵy" respýblıkalyq qoǵamdyq birlestiginiń tórǵasy Júrsin Erman  Qamshy.kz aqparat agenttiginiń tilshisine Rınat Zaıtovtyń qaı jaqta júrgeninen habarsyz ekenin, 16 maýsymda Aqsýat aýylynda ótetin aıtysqa qatystyrylmaıtynyn aıtyp berdi.

Rınat Zaıtov odan bólek taǵy birneshe márte aıtystaqa qatysýshylardyń tiziminde bolyp, biraq aıtys ótetin kúni "tizimnen syzylǵan".

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir