• USD 378.65
  • EUR 430.07
  • RUB 6
  • CNY 55.1
26 Tamyz, 05:12:25
Qoryqshylardyń materıaldyq-tehnıkalyq bazasy kúsheıtiledi

04 Shilde, 2019 NEWS

80 jastaǵy dáriger ondaǵan áıeldi júkti qylǵan

Onyń dárigerlik qyzmetinde osyndaı jaıt shamamen 50-100 ret qaıtalanypty. 11 jaǵdaıda Barvın kelinshekterge aıtpaı, óziniń bıologııalyq materıalyn paıdalanǵan.

Kanadanyń Ottava qalasynda reprodýktolog dáriger Bernard Norman Barvın ondaǵan jyl boıy bedeý kelinshekterdi jasandy uryqtandyrǵanda, basqa er adamnyń sháýetin paıdalanǵan dep jazady Qamshy.kz aqparat agenttigi Sputnik saıtyna silteme jasap.

25 maýsymda medısına standartyn baqylaýshy jáne lısenzııa berýshi Ontarıo kolledji Barvındi 10 myń Kanada dollaryn (3 mıllıon teńgege jýyq) tóleýge mindettedi. Sondaı-aq, medısına salasynda jumys isteýine tyıym salyp, lısenzııasynan aıyrdy. 80 jastaǵy dáriger bul sheshimge qarsylyq tanytyp, shaǵym túsirgen joq, dep habarlaıdy CBC News portaly.

2013 jyly dáriger úsh áıeldi jasandy uryqtandyrǵanda basqa erkektiń sháýetin paıdalanǵany úshin jumystan alastatyldy. Ol kezde Barvın bul áreketin "shatastyryp aldym" dep túsindirgen edi.

Onyń dárigerlik qyzmetinde osyndaı jaıt shamamen 50-100 ret qaıtalanypty. 11 jaǵdaıda Barvın kelinshekterge aıtpaı, óziniń bıologııalyq materıalyn paıdalanǵan.

EKO arqyly dúnıege kelgen balalardyń biri óziniń ata tegin bilmek bolǵanda ǵana, dárigerdiń astyrtyn áreketi áshkere boldy. Sol kezde taǵy bir balada genetıkalyq jolmen beriletin dert anyqtaldy, al onyń ata-anasy mundaı aýrýmen aýyrmaıdy eken.

EKO arqyly dúnıege kelgenderdiń biri – 29  jastaǵy Rebekka Dıkson úsh jyl buryn týǵan ákesi Barvın ekenin bildi.

"Bir sátte ómirim túbegeıli ózgerip ketti. Biraz ýaqyt óz-ózimdi jat sezinip júrdim", - deıdi qyz.

Qazir Dıkson óziniń týǵan aǵa-baýyrlaryn izdep jatyr. Ázirge 15 týysyn taýypty, biraq olardyń sany budan da kóp bolýy múmkin.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir