• USD 468.56

  • EUR 497.56

  • RUB 7.3

  • CNY 67.18

28 Naýryz, 21:57:48
Almaty
+35°

04 Shilde, 2019 Saıasat

AQSh Qazaqstandaǵy saıası reformalardy qarjylandyrmaq: astarynda qaýip bar ma?

Qazaqstan Respýblıkasynyń Syrtqy ister mınıstri Beıbit Atamqulov AQSh saparynan qandaı olja tapty?

Qazaqstan Respýblıkasynyń Syrtqy ister mınıstri Beıbit Atamqulov AQSh-qa barǵan resmı saparynda Ulttyq qaýipsizdik boıynsha prezıdent keńesshisi Djon Boltonmen jáne memlekettik hatshy Maıkl Pompeomen kezdesti dep jazady Qamshy.kz aqparat agenttigi.

Kezdesý barysynda AQSh ókilderi Qazaqstandaǵy kezekten tys prezıdent saılaýy týraly pikir bildirip, ári qaraı ekijaqty qarym-qatynasty damytý týraly sóz boldy. Atamqulov óz kezeginde jańadan saılanǵan prezıdenttiń jańa damý jolynda AQSh-pen strategııalyq seriktestik ornatýǵa múddeli ekenin jetkizdi.

Amerıkalyq tarap mınıstrdiń bul sózine Toqaevtyń qoǵamdyq-ekonomıkalyq jáne saıası baǵyttaryn qoldaıtynyn, qajet bolǵan jaǵdaıda reformalardy júzege asyrýǵa kómek beretinin jetkizdi. Boltonnyń aıtýynsha, AQSh ta Qazaqstanmen keńeıtilgen strategııalyq seriktestik ornatýǵa oń kózqarasta.

Qos tarap burynnan qalyptasqan sapaly kelissózder men ekeýara josparlardy qalpynda qaldyrýǵa ýaǵdalasyp, sondaı-aq, kún tártibindegi halyqaralyq jáne aımaqtyq mańyzdy máselelerdi tize qosa otyryp sheshýge sóz baılasty. Kezdesý barysynda Bolton men Pompeo qazirgi ýaqytta kúshinde turǵan strategııalyq seriktestik baǵytyn odan ári damytý qajettigin aıtty.

Sonymen qatar, basqosý barysynda AQSh ókilderi Qazaqstan ekonomıkasyndaǵy energetıka, transport, ónerkásip, ınfrastrýktýra, qarjy, farmasevtıka, áýe-ǵaryshtyq, IT-tehnologııalar, kıberqaýipsizdik salalary boıynsha ınvestısııa salýǵa ketári emes ekendikterin bildirdi.

Odan ári halyqaralyq máselelerdi sheshý barysyndaǵy seriktestik týraly sóz qozǵalyp, taraptar búkilálemdik terrorızmmen kúresý, aımaqtyq qaýipsizdik, Aýǵanstandaǵy jaǵdaıdy turaqtandyrý jáne basqa da máseleler áńgime boldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir