• USD 378.65
  • EUR 430.07
  • RUB 6
  • CNY 55.1
24 Tamyz, 06:56:31
Qoryqshylardyń materıaldyq-tehnıkalyq bazasy kúsheıtiledi

04 Shilde, 2019 NEWS

Arys "aqyldy qalaǵa" aınalady

Jýyrda 17 sektorǵa bólingen qalanyń 3D kartasy jasaldy.

Túrkistan oblysynyń ákimi О́mirzaq Shókeevtiń tóraǵalyǵymen Arys qalasyn sıfrlandyrý máselesi boıynsha májilis ótti dep habarlaıdy Qamshy.kz aqparat agenttigi Túrkistan oblysy ákimi baspasóz qyzmetiniń málimetterine súıenip.

Oblystyq Túrkistan oblysynyń aqparattandyrý, memlekettik qyzmetter kórsetý jáne arhıvter basqarmasynyń basshysy Elnur Ýtebaevtyń aıtýynsha, Arys qalasyn sıfrlandyrý boıynsha jumystar júrgizilip jatyr.

Jýyrda 17 sektorǵa bólingen qalanyń 3D kartasy jasaldy. Bul kartaǵa qaladaǵy turǵyn úıler men sol úılerge tirkelgen úı ıeleri týraly derekter engizilgen. Oǵan qosa qalalyq kadastrǵa engizilmegen úıler de anyqtalǵan. Osyǵan baılanysty oblys ákimi barlyq turǵyndy qujattandyrý jóninde tapsyrma berdi.
 
Osy karta arqyly Arys qalasynda bolǵan tótenshe jaǵdaıǵa baılanysty kómek kórsetý jeńildeı tústi. Ár úıge defektik akt tirkelip, osy úılerdegi qurylys jumystary, gýmanıtarlyq kómektiń jetkizilýi baqylanady. Qala turǵyndary bul jumystardy onlaın rejımde baqylap, kemshilikter anyqtalsa, tıisti oryndarǵa habar beredi.
 
Sonymen birge jıynda evakýasııa kezinde qujattaryn joǵaltyp alǵan turǵyndarǵa qujattar tegin jasalatyny belgili boldy.
 
О́mirzaq Shókeev Arysty «aqyldy qalaǵa» aınaldyrý baǵytyndaǵy jumystardy kúsheıtý jáne turǵyndardyń ómir sapasyn jaqsartýǵa baǵyttalǵan bastamalardy qolǵa alý jóninde tapsyrmalar berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir