• USD 468.56

  • EUR 497.56

  • RUB 7.3

  • CNY 67.18

29 Naýryz, 19:13:21
Almaty
+35°

04 Shilde, 2019 NEWS

"Áıtpese, áńgime basqasha bolmaq": Nurlan Noǵaev sheteldik ınvestorlarǵa qatań talap qoıdy (vıdeo)

Taraptar kezdesýinde málim bolǵandaı, Teńiz ken ornyndaǵy otandyq jumysshylar mereke, demalys kúnderi jumysqa shyqqanmen, ústeme aqy keshiktirilgen.

Atyraý oblysy Teńiz ken ornyndaǵy qyzmetkerler arasynda bolǵan janjal basshylardyń oılaryna kelgenin istegendiginen týyndaǵan. Sheteldik kompanııa basshylary Qazaqstannyń eńbek týraly zańyn nazarǵa ilmeı, jumys ýaqyty men jalaqyny qalaýlarynsha belgilep kelgen dep habarlaıdy Qamshy.kz aqparat agenttigi Ktk arnasynyń deregin negizge alyp. 

Taraptar kezdesýinde málim bolǵandaı, Teńiz ken ornyndaǵy otandyq jumysshylar mereke, demalys kúnderi jumysqa shyqqanmen, ústeme aqy keshiktirilgen. Al, ondaǵy kúzet fırmasynyń qyzmetkerleri óz mindetterin atqarýdyń ornyna, basshylyqqa qarsy shyqqandardy qorqytyp-úrkitýmen, túrli qıturqy aıla-sharǵy jasaýmen aınalysqan kórinedi.

— Teńiz jobasynda merdiger mekemelerdiń biriniń basshysy kún saıynǵy jumys kúnin óz betimen 4 saǵatqa kóbeıtken, ujymnyń narazylyǵy men eńbek ınspeksııasyna shaǵymdanýynan keıin jaǵdaı qalypqa keldi. Jumys berýshi qandaı da bolmasyn sebep taýyp, jumystan shyǵaryp jiberetinin aıtyp qorqytady. Shaǵym aıtqan jumysshydan qutylýdyń túrli quıtyrqy áreketterin jasaǵan derekter de bar. Bul árıne adamdy ashyndyratyn, tipti daý-janjalǵa ákeletin jaǵdaı. Sizderdiń mindetterińiz osyndaı jaǵdaılardyń aldyn alý - deıdi Nurlan Noǵaev. 

Iаǵnı, «Teńizshevroıl» men oǵan qarasty júzdegen merdiger mekemeler ábden qalyptasyp qalǵan osyndaı jaıttardy joıyp, jaǵdaıdy túbegeıli ózgertýge kúsh salýy qajet. Senbi kúni bolǵan qaqtyǵysqa baılanysty aımaqtaǵy barlyq sheteldik kompanııa ókilderin shaqyryp, jıyn ótkizgen oblys ákimi Nurlan Noǵaev, olarǵa osyndaı talap qoıdy. Áıtpese, áńgime basqasha bolmaq deıdi oblys ákimi.

— Men sizderdiń aldaryńyzǵa Eńbek kodeksiniń, elimizdegi barlyq zańdardyń, sonyń ishinde kóshi-qon zańnamasynyń buzylýyna jol bermeý mindetin qoıamyn. Adal, qolaıly jaǵdaı barlyq jumysshylarǵa jasalýy kerek. Biz óz tarapymyzdan sizderdiń bastamalaryńyzdy kútip otyrmaımyz, jumys isteımiz, eger jaǵdaıdy óz erikterińizben ózgertkilerińiz kelmese, zańǵa sáıkes áreket etýge kúshimiz jetedi.

Áreket demekshi, jergilikti jumysshylardan taıaq jegen azamattarynyń hal-jaǵdaıyn bilý úshin Atyraýǵa úsh eldiń elshisi jetti. Naqtyraq aıtqanda, Palestına Memleketi men Iordanııa Koroldiginiń jáne Lıvan Respýblıkasynyń Qazaqstandaǵy elshileri jergilikti basshylarmen kezdesti. Biraq, olar óz eliniń azamattaryn Qazaqstannan alyp ketý úshin emes, bolǵan jaıttyń dostyq qarym-qatynasqa syzat túsirmeıtindigin aıtpaqqa kelipti.

— Bul jaǵdaı eki jaq úshin de óte yńǵaısyz boldy. Biz bul máseleniń Palestına men Qazaqstan arasyndaǵy san jylǵy tarıhı qarym-qatynasynyń buzylýyn qalamaımyz. Bizdiń basshylyq pen Palestına halqy Qaýipsizdik Keńesiniń, BUU-nyń Arab-Izraıl qaqtyǵysyna qatysty barlyq qararlaryn qoldaı otyryp, Tuńǵysh Prezıdent Nursultan Nazarbaevtyń basshylyǵymen Qazaqstannyń prınsıptik pozısııalaryn joǵary baǵalaıdy. Bul jaǵdaı bizdiń qarym-qatynasymyzdy buza almaıdy. Osy oqıǵa boıynsha qurylǵan vedomstvoaralyq komıssııa jumysshylar tizip bergen jaıttardy jiti tekserip, ony sheshýge árekettenbek. Aıta keteıik, Teńiz ken ornyndaǵy sheteldik jáne qazaqstandyq jumysshylardyń qaqtyǵysy kezinde jaraqat alǵan 45 adamnyń 20-dan astamy dárigerlerdiń kómegine júgingen. Olardyń tórteýi qazaqstandyq, - dep pikir bildirgen  Palestına memleketiniń QR-daǵy elshisi Montaser Ábý Zeıd.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir