• USD 378.65
  • EUR 430.07
  • RUB 6
  • CNY 55.1
23 Qyrkúıek, 13:56:30
Kekilbaevqa arnalǵan kesh

03 Shilde, 2019 Án-kúı

Meırambek Besbaev: Meni halyqtyń qazirgi jaǵdaıy qanaǵattandyrmaıdy (vıdeo)

Ánshi Meırambek Besbaev halyqtyń qazirgi jaǵdaıyna kóńili tolmaıtynyn aıtty dep jazady Qamshy.kz aqparat agenttigi. Bul týraly ánshi jýrnalıst Aman Tasyǵannyń Youtube arnasyndaǵy "TalkLike" baǵdarlamasyna bergen suhbatynda aıtqan.

Besbaevtyń aıtýynsha, "halyqtyń jaǵdaıy shamamen bes jyldaı buryn qazirgiden jaqsyraq bolǵan".

"Meni halyqtyń jaǵdaıy qanaǵattandyrmaıdy. Ony men gastrolden-aq baıqadym. Buryndary, salystyrmaly túrde aıtqanda bes jyl buryn halyqtyń jaǵdaı jaqsy bolatyn. Sol kezderde biz (red. MýzArt toby) gastroldik saparmen barǵan jerimizde úsh-tórt konsert qoıatynbyz. Bárine halyq kóp jınalatyn. Biraq qazir olaı emes. Halyq konsertke kelgisi-aq keledi, alaıda aqshalary joq. Buryndary men "Qudaı buıyrtpaıtyn nárseni buıyrtpaıdy, buıyratyn nárse jerdiń astynda jatsa da buıyrady" degen túsinikpen júretinmin. Keıingi kezderi halyqtyń jaǵdaıyn kórip, "saıasatta júrgender ne istep júr osy" dep oılanyp júrmin. Halyqqa qazir rýhanı da, materıaldyq kómekte qajet. Ásirese, materıaldyq kómek qatty kerek. О́ıtkeni qaltasynda aqshasy joq adamǵa bizdiń konsertimizdiń ne keregi bar", - dedi Meırambek Besbaev.

Suhbat barysynda Besbaev "qazirgi estrada maǵynasy joq arzan ánderdiń kóbeıip bara jatqanyna birinshi kezekte ánshiler kináli" ekenin aıtty.

"Kórermende emes, arzan ándi aıtyp júrgen ánshiniń ózi kináli. Halyqtyń talaby sondaı degen bos sóz. Halyq maǵynaly, ómirsheń ánder aıtsań da tyńdaıdy", - dedi ánshi. 

Besbaevtyń aıtýynsha, Qazaqstanda júrip emes, Qytaıǵa baryp kúlli álemge tanylǵan Dımash Qudaıbergenge "laıyqty án jazyp beretin kompozıtorlar joq elimizde". 

Sonymen qatar Besbaev suhbat barysynda "ánshilerge arnalǵan arnaıy zań kerek" ekenin, óziniń bastamasymen "Habar" arnasynan kórsetilgen "Juldyzdy jekpe-jek" baǵdarlamasy týraly jáne t.b. qoǵamda oryn alyp jatqan oqıǵalar men jańalyqtar týraly oı bólisti.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir