Berdibek Saparbaev: Arystyqtarǵa kómek qoryna jınalǵan aqshanyń ár tıyny ornymen jumsalady

Eńbek jáne halyqty áleýmettik qorǵaý mınıstri Berdibek Saparbaev jarylystan zardap shekken Arys qalasy bir aı ishinde qalpyna keletinin aıtty, dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

"Apat aıtyp kelmeıdi ǵoı. О́te qıyn jaǵdaı. Ǵımarattardyń 85 paıyzy zaqymdalǵan, ásirese, terezeler, shatyry men esikteri. Qorqynyshty kórinis", - dedi mınıstr ortalyq kommýnıkasııalar qyzmetinde ótken baspasóz máslıhatynda.

Saparbaev premer-mınıstr men mınıstrler áleýmettik nysandardy – mektep, balabaqsha, aýrýhanalardy aralap shyqqanyn atap ótti.

"Qala 17 sektorǵa bólingen, olarmen Qazaqstannyń 17 óńiri jumys istep jatyr. Qazirdiń ózinde 100-ge tarta turǵyn úı qalpyna keltirildi. Ábden qıraǵan úılerdiń turǵyndary mektepke ornalastyryldy, men onda ózim bolyp qaıttym. 800 adamǵa arnalǵan oryn bar, barlyq jaǵdaı jasalǵan", - dep sendirdi vedomstvo basshysy.

Mınıstrdiń sózine sensek, barlyq iri nysandy qalpyna keltirý jumysy "Samuryq-Qazyna", ERG, "Qazaqmys", "Qazmyrysh" JShS sekildi iri kompanııalarǵa júktelgen.

"Birden sý men jaryq berdi, jol jaqsy. Eshqandaı radıasııa joq. Qazir qalany qalpyna keltirý prosesi júrip jatyr. Arys bir aı ishinde qalpyna keledi dep oılaımyz", - dedi Saparbaev.

Mınıstr arystyqtarǵa kómek qoryna jınalǵan aqshanyń ár tıyny ornymen jumsalatynyna sendirdi. Sondaı-aq, ol Arys turǵyndarynyń Shymkentte bas kóterýine qatysty da toqtaldy.

"Sizder bilesizder, olar bir ret jınaldy. Shymkent jáne Túrkistan oblysynyń ákimderimen ol jerge bardyq. Arystyqtardyń talaby mynadaı boldy: "biz osynda qalǵymyz keledi, Shymkentten páter nemese jer berińizder, taǵysyn taǵy. Bárin túsindirip, áńgimeleskennen keıin, olar tarady", - dedi mınıstr.