"Qazaqstanǵa eshqashan barmaımyn": "Teńizdegi" qaqtyǵystan zardap shekkenderdi jerlesteri qalaı kútip aldy? (foto)

"Teńizdegi" sherýden zardap shekkender úılerine oraldy dep jazady Qamshy.kz aqparat agenttigi. 

2 shildeniń tańerteńinde ıordanııalyq ınjenerler óz eline oralǵan. Halyqaralyq áýejaıdan zardap shekkenderdi Iordanııanyń SIM ókili Aıman Safadı kútip aldy. 

Iordanııa SIM-niń habarlaýynsha, 107 adamnyń 41-i ǵana jumystaryn saqtap qalǵysy keletinin aıtqan. Sondaı-aq, Iordanııanyń hanzadasy Ál Hýsseın ıbn Abdýlla zardap shekken azamattardyń qaýipsizdigin qamtamasyz etip, qoldaý kórsetiletinin aıtqan. 

Iordanııanyń azamaty Qazaqstandaǵy bolǵan jaıtty bylaı túsindirdi:

— Qazaqstandyqtar lıvandyq jigittiń áleýmettik jelige jarııalaǵan fotosyna ashýlandy. Bul foto olardyń namysyna tıdi. Keıin olar barlyq arabtardy uryp-soqty. Endi Qazaqstanǵa eshqashan barmaımyn. 

Sonymen qatar, lıvandyq 126 jumysshy da óz eline oraldy. Jumysshylardy kútip alǵan Joǵary kómek komıtetiniń bas hatshysy  óz jumysyna oralǵan kezde de Qazaqstan bıligi  jumysshylardyń qaýipsizdigine kepildik beretinin málimdedi.