Arysta bolǵan jarylystardyń sebebi qandaı?

Arys qalasyndaǵy oq-dáriler qoımasyndaǵy jarylysqa baılanysty oqıǵa ornyn tekserý jáne keltirilgen zalaldar anyqtalýda, dep habarlaıdy Qamshy.kz aqparat agenttigi. 

“Tergeýdiń bastapqy satysynda negizgi nazar oryn alǵan jaǵdaıdyń mán-jaılaryn anyqtaýǵa, sonyń ishinde adamdardyń qaza tabýyna aýdaryldy”, - dedi QR Bas áskerı prokýrorynyń aǵa kómekshisi Erkin Qoja-Ahmet Ortalyq kommýnıkasııalar qyzmetinde ótken brıfıngte. 

Aıtýynsha, qazirgi kezde 100-den asa adamnan jaýap alynǵan. 

“Qazirgi ýaqytta boljamdy nusqalar bar, olardyń arasynda órt qaýipsizdigin saqtamaý, laýazymdy tulǵalardyń salǵyrttyǵy jáne taǵy basqalary qaralyp jatyr”, - dep atap ótti. 

Sondaı-aq, oq-dáriler saqtalatyn qoımalardyń qaýipsizdigin qamtamasyz etýge bólingen bıýdjet qarajatyn paıdalanýdyń utymdylyǵy men jarylǵysh zattardyń durys jınalýy tekserilip, qoımalarda anyqtalǵan buzýshylyqtar ýaqtyly joıyldy ma, joıylmaǵan jaǵdaıda keıbir áskerı qyzmetshilerdiń áreketsizdigi suraǵy qaralatynyn aıtty. 

“Tergeý nátıjesinde jaýapty tulǵalardyń is-áreketterine quqyqtyq baǵa beriletin bolady. Saralaý, boljamdy nusqalar aldyn ala bolyp tabylady jáne olar egjeı-tegjeıli qaralatynyn atap ótemin. Tergep-tekserýdiń barysy bas prokýrordyń baqylaýynda”,- dedi bas áskerı prokýrorynyń aǵa kómekshisi.