Almatyda toı korteji polıseılerdi qaǵyp ketti

Almatyda jol polısııasynan qashqan toı kólikteri eki polısııa qyzmetkerin qaǵyp ketti dep habarlaıdy Qamshy.kz aqparat agenttigi qalalyq polısııa departamentine silteme jasap. 

Polısııadaǵylardyń aıtýynsha, keshke keshkisin ál-Farabı dańǵylynda Ákimshilik polısııa basqarmasy mamandandyrylǵan jol-kólik polısııasy batalony qyzmetkerleri jol erejesin óreskel buzǵan kólikter kortejiniń izine túsedi. 

“Alǵash ret polısııa olardy Jarokov kóshesi boıynda toqtatýǵa tyrysady. Biraq olar ony elemeı aǵyzyp óte shyǵady. Odan soń jol erejesin buzýshylardy ustaý úshin Atakentke shyǵatyn jol jabylady. Alaıda bul shekteý de olardy toqtata almady. Osy arada "Toıota Kamrı" kóligi polısııa leıtenanty Maqsat Qılybaevty qaǵyp óte shyqqan. Qılybaev keri sheginip úlegerdi. Osy kortejge tıesili "Lada Priora" kóligin toqtatpaq bolǵan polısııa kapıtany Jandos Buǵalov ta zardap shekti. Onyń tizesine qatty zaqym kelgen, biraq ol aýrýhanaǵa barýdan bas tartqan. Kapıtandy qaqqanymen qoımaı " Lada Priora" polısııanyń qyzmettik kóligin de ıtere ótip ketti. Báribir olar onyń izine túsip, Saharıev kóshesinde toı kólikteriniń úsheýiniń de jolyn japty. Kólikterde "Qyz uzatý" toıynan qaıtyp kele jatqan tola jastar bolǵan, onyń ishinde qalyńdyq ta bar”, - deıdi Almaty polısııa departamenti Ákimshilik polısııa basqarmasynyń bastyǵy Jandos Muratálıev.