03 Shilde, 2019 Saıasat
Azat Perýashevtiń synynan soń Pavlodar ákimi jumystan bosatyldy
Múmkin jeter? Baı ómir súrgilerińiz kelse – bızneske baryp, aqsha tabyńyzdar. Al memlekettik qyzmetker árbir tıyndy únemdeýi tıis – Perýashev
«Eben jıhazyna» essiz ǵashyq Pavlodardyń ákimi «Aq joldyń» synynan soń qyzmetinen shettetildi – BAQ habarlaýynsha, oblys ákimi osyndaı sheshimdi qala basshysynyń memleket aqshasyna 50 mln teńgege páter men 6 mln-ǵa eben jıhazyn alyp, «senimnen aıyrylǵany» úshin qabyldaǵan dep jazady Qamshy.kz aqparat agenttigi "Aq jol" partııasynyń baspasóz qyzmetiniń derekke ala otyryp.
Aıta ketsek, 2019 jyldyń 19 jeltoqsanynda «Aq jol» fraksııasy Pavlodar, Atyraý, О́skemen, Shymkent, Kókshetaý, Batys Qazaqstan oblysy Aqsaı aýdany, Almaty oblysynyń Jambyl aýdany sheneýnikteriniń memleket qarjysyna úı alý máselesine baılanysty Premer-Mınıstrge saýal joldaǵan bolatyn.
Solardyń ishindegi eń soraqysy – Pavlodar ákiminiń 50 mln teńgege alǵan 230 m2 kólemindegi páteri men taǵy da jalpy somasy 226 mln teńgeni quraıtyn bes páter alýy boldy.
«Ipotekany tóleý úshin myńdaǵan azamattarymyz ózderin qarjylyq jaǵynan shekteýge májbúr. «7-20-25» baǵdarlamasynyń ózinde páter qunynyń shekteýi kórsetilgen – bul jaǵdaıda keı sheneýnikterdiń sánqumarlyǵy suraq týyndatady. Dál sol Pavlodar oblysyndaǵy «7-20-25» baǵdarlamasy boıynsha baspananyń shekti baǵasy – 15 mln, al ákimdik bolsa óz úılerin budan 3,5 ese baǵaǵa alyp otyr», – delingen Merýert Qazbekovanyń depýttatyq saýalynda.
Bir apta buryn, osy jyldyń 21 maýsymyndaǵy Parlament palatalarynyń otyrysynda «Aq jol» fraksııasynyń kóshbasshysy Azat Perýashev sheneýnikterdi ysyrapshyldyǵy úshin taǵy da synǵa alǵan edi. Sol Pavlodarda tropıkalyq aǵashtan jasalǵan ákim keńsesiniń jıhazyna 10 mln teńge kólemindegi saýdaǵa tender ótkizilgen. Qala ákiminiń «tileginiń» erekshe bolǵany sonshalyq, depýtat alǵashynda ákimdiktiń ótinimin durys túsine alǵan joq:
«Memlekettik organdar men ulttyq kompanııalar asyra ómir súrin jalǵastyrýda... Aımaq basshylary bıýdjet qarajatyna qalaǵan nársesin alýda – záýlim úıler, qymbat kólikter, eben aǵashynyń jıhazy. Múmkin jeter? Baı ómir súrgilerińiz kelse – bızneske baryp, aqsha tabyńyzdar. Al memlekettik qyzmetker árbir tıyndy únemdeýi tıis».
Sol kezde Azat Perýashev Premer-Mınıstrge hat jazyp, onyń iskerlik qasıetterin eskere otyryp, bıýdjet qarajatyn paıdalanýǵa baılanysty máselelerdi retteýdi suraǵan edi.
Kórip otyrǵanymyzdaı, jańa úkimet depýtattardyń narazylyǵyna qulaq asa bastady.
«Aq jol» partııasy men onyń depýtattyq fraksııasy saılaýaldy baǵdarlamany júzege asyrý jumystaryn jáne saılaýshylardyń talaptaryn oryndaýdy jalǵastyrýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir