• USD 468.56

  • EUR 497.56

  • RUB 7.3

  • CNY 67.18

29 Naýryz, 03:23:39
Almaty
+35°

03 Shilde, 2019 NEWS

Atyraý oblysynyń ákimi múmkindigi shekteýli jandar úshin barlyq qajetti jaǵdaıdy jasaýǵa shaqyrdy.

Atyraý oblysynyń ákimi múmkindigi shekteýli jandar úshin barlyq qajetti jaǵdaıdy jasaýǵa shaqyrdy.

Qoǵamdyq keńestiń keńeıtilgen otyrysynda múmkindigi shekteýli jandarǵa qatysty ózekti máseleler talqylandy dep habarlaıdy Qamshy.kz aqparat agenttigi Atyraý oblysynyń О́ńirlik kommýnıkasııalar qyzmetine silteme jasap.

Atyraýda oblys ákimi Nurlan Noǵaevtyń tóraǵalyǵymen Qoǵamdyq keńestiń keńeıtilgen otyrysy ótti. Keńeske qoǵamdyq birlestikter men ǵylymı-óndiristik birlestik músheleri, múmkindigi shekteýli jandarǵa baılanysty suraqtardyń jaýabyn alý úshin kelgen turǵyndar qatysty. Jıynǵa qatysýshylar óńirdegi múmkindigi shekteýli jandarǵa qatysty máselelerdi talqylady.

Qazirgi tańda Atyraý oblysynda ár túrli toptarǵa jatatyn 22 myńnan astam múmkindigi shekteýli jandar bar. Qoǵamdyq keńestiń tóraǵasy Murat О́teshevtiń aıtýynsha, múgedekter úshin qalada, oblysta ornalasqan áleýmettik nysandarda, mádenıet, sport jáne bıznes nysandarynda pandýstardyń joqtyǵy ózekti másele bolyp otyr.

"Keıbir mekemeler men nysandardaǵy pandýstar standarttarǵa sáıkes kelmeıdi. Jańadan salynyp jatyrǵan nysandar, múgedekter arbasy kóteriletin pandýstarsyz salynýda",- deıdi Murat О́teshev.

Atyraý qalasynyń ákimi Álımuhammed Quttumuratulynyń aıtýynsha, múmkindigi shekteýli jandardan túsken kóptegen shaǵymdar boıynsha arnaıy jumys komıssııasy quryldy. Komıssııa músheleri barlyq nysandardy aralap, kóptegen buzýshylyqtardy anyqtady.

"Atyraý qalasy boıynsha belgilengen standarttarǵa sáıkes kelmeıtin 1864 pandýs anyqtaldy. 30 shildege deıin joǵaryda kórsetilgen barlyq mekemeler men nysan ıelerine buzýshylyqtardy joıý nemese lıft arqyly kóteretin qurylǵylar ornatý tapsyryldy. Búgingi tańda 712 pandýstar qaıta qalpyna keltirildi, qalǵandary aıtylǵan merzimge deıin jasalatyn bolady",- deıdi Álımuhammed Quttumuratuly.

Ǵylymı-óndiristik birlestik jáne qoǵamdyq birlestik ókilderin ınvataksı jetispeýshiligi, múmkindigi shekteýli jandardy jumysqa ornalastyrý jáne sanatorııalyq-kýrorttyq emdeý, jeke kómekshilerge eńbekaqy tóleý máseleleri alańdatady.

О́z kezeginde Atyraý oblysynyń ákimi Nurlan Noǵaev memlekettik mekemelerdiń basshylary men bıznes nysandarynyń ıelerine múmkindigi shekteýli jandardyń máselelerin sheshýge shaqyrdy.

"Kez kelgen ýaqytta árqaısymyz osyndaı ómirlik jaǵdaıǵa tap bolýymyz múmkin. Sondyqtanda bizder múmkindigi shekteýli jandarǵa barlyq jaǵdaıdy jasaýymyz qajet. Egerde pandýstar salý úshin, múgedekterge arnalǵan bólmeler qajet bolatyn bolsa, qarajat bólemiz. Invotaksı qajet bolsa aldyraıyq. Mundaı jaǵdaıǵa qaıyrymdylyq jaǵynan qaraýǵada bolady. Biz barlyq máselelerdi birden sheshe almaımyz, biraq biz sheshý joldaryn qarastyrýymyz kerek",- deıdi Nurlan Noǵaev jıynǵa qatysýshylarǵa.

Atyraý oblystyq Densaýlyq saqtaý basqarmasynyń basshysy Mánshúk Aımýrzıevanyń aıtýynsha, aýdandarda múmkindigi shekteýli jandar úshin kúndizgi ońaltý ortalyqtary ashylýda. Bul ortalyqtar tek eresek adamdarǵa ǵana emes, balalarǵa da arnalǵan.

AtyraýAtyraýAtyraý

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir