"Muhammed paıǵambardyń tikeleı urpaǵy": Sheıhty "laqtyryp" ketken áıel týraly qyzyqty derekter

О́tken aptanyń sońynda BAÁ-niń premer-mınıstri, mıllıarder sheıh  Muhammeda ıbn Rashıd Al Maktýmnyń altynshy áıeli qashyp ketkenin jarysa jazǵan edi. Haııa al Hýsseın jaı ǵana qashyp ketpedi. О́zimen birge 11 jastaǵy qyzy men 7 jasar ulyn jáne jańa ómir bastaý úshin 40 mln dollaryn alyp ketti. Onyń qashyp ketýine nemis dıplomaty kómekteskeni anyqtaldy. 

Bútin eldi basqaryp otyrǵan sheıhty "laqtyryp" ketken áıel týraly qyzyqty derekterdi Qamshy.kz aqparat agenttigi oqyrman nazaryna usynady. 

Haııa bınt al-Hýseın 1974 jyly 3 mamyrda Iordanııada dúnıege kelgen. Ol Iordanııanyń burynǵy karoli Hýseın ıbn Talalanyń 11 balasynyń biri, qazirgi karoldiń týǵan ápkesi. Sondaı-aq Haııa bınt ál-Hýseın Muhammed paıǵambardyń tikeleı urpaǵy eken. 

Ol 2 jasta bolǵan kezde onyń anasy, Iordanııanyń patshaıymy Alııa jol apatynan qaıtys boldy. Sóıtip kishkentaı hanshaıym ákesiniń tárbıesin kóredi. Karol únemi óziniń 5 qyzyna kóp kóńil bóledi. Karol Hýseın emalys kúnderinde kúni boıy qyzdarynyń qasynan tabylady. 

Iordanııanyń hanshaıymy 2004 jyly 10 sáýirde  Muhammeda ıbn Rashıd Al Maktýmǵa turmysqa shyǵady. Altynshy áıeli bolǵan hanshaıym 2007 jyly qyzdy bolady. Onyń týǵan kúni BAÁ-niń táýelsizdik kúnimen sáıkes kelgen.  

Iordanııalyq hanshaıym óziniń bilimdiligimen, sportqa qumarlyǵy jáne sulýlyǵymen batys pen shyǵys halqyn tánti etken. Ol shyǵys elderindegi eń yqpaldy áıelderdiń biri. Oǵan "ashtyqpen kúresken qaharman" degen ataq bergen. 

Hanshaıym Haııa Iordanııadaǵy bastaýysh bilimin jáne Anglııadaǵy orta jáne joǵary bilimin aldy, ol qyzdarǵa arnalǵan Badminton (Badminton School) ınternatynda oqydy. Hanshaıym fransýz, orys, aǵylshynnan basqa 3 tildi biledi.

Turmys qurǵan soń da hanshaıym qaıyrymdylyq sharalaryn jıi uıymdastyryp júretin. Ol Iordanııada ashtyqqa qarsy kúreske baǵyttalǵan "Tikyet Um Ali" atty alǵashqy arab beıresmı  uıymyn (О́mir súrý úshin tamaq ishý — Red.) qurdy. Qazirgi ýaqytta álemdegi eń iri tótenshe jaǵdaılardyń aldyn alý ortalyǵy bolyp tabylatyn Dýbaı halyqaralyq gýmanıtarlyq qalashyǵynyń (International Humanitarian City) tóraǵasy. 

Sheteldik BAQ-tyń deregine súıensek, qazir Iordanııanyń hanshaıymy Germanııadan pana surap júr. Sondaı-aq sheıhpen ajyrasýǵa qujattaryn daıyndap jatqan kórinedi. Hanshaıymnyń qashyp ketip, Germanııadan panalaýy BAÁ men Germanııanyń dıplomatııalyq daǵdarystyń ornaýyna ákelip soqty. BAÁ-niń sheıhy áıelin elge qaıtarýyn Germanııadan talap etken. Alaıda Germanııa bıligi budan bas tartty.