• USD 378.65
  • EUR 430.07
  • RUB 6
  • CNY 55.1
26 Tamyz, 15:56:51
Nyǵmatýlın Parlamenttiń qos palatasyn birlesken otyrysqa shaqyrdy

02 Shilde, 2019 Ǵylym-bilim

Bilim mınıstri "synyp" sózin "klasqa" aýystyrý týraly oıyn aıtqysy kelmedi. Biraq....

Bul jańalyq qoǵamda úlken daý týdyrǵan soń mınıstr Raıymqulova termınderdi qaıtarý máselesi halyqtyń talqysyna shyǵarylatynyn málimdegen.

Bilim jáne ǵylym mınıstri Ashat Aımaǵambetov "synyp" sózin qaıtadan "klasqa" aýystyrýǵa qatysty jeke oıyn aıtýdan bas tartty, biraq munyń qabyldanǵan sheshim ekenin jetkizdi dep habarlaıdy Qamshy.kz aqparat agenttigi Sputnik saıtyna silteme jasap. 

 

"Oǵan qatysty jeke oıymdy aıtqym kelmeıdi. О́ıtkeni bul – qabyldanǵan sheshim. Sondyqtan ony aıtpaı-aq qoıaıyn, túsinikteme bermeı-aq qoıaıyn", - dedi Aımaǵambetov 

Aıta keteıik, maýsym aıynda Mádenıet jáne sport mınıstri Aqtoty Raıymqulova ótken esep berý kezdesýi kezinde halyqaralyq termınderdi qazaq tiline qaıtarý úshin termınologııalyq qorǵa monıtorıng júrgizilgenin jetkizdi. Osyǵan oraı buryn qazaq tiline aýdarylǵan 3 300-den astam jalpyǵa birdeı qabyldanǵan termın men uǵym qaıta qaralyp bekitildi.

"Olardyń 300-ge jýyǵy – halyqaralyq termınder. Mysaly, "murajaı" degen sóz "mýzeı" bolatyn boldy. Muraǵat – arhıv, taǵy sondaı-sondaı nárseler", – dedi Raıymqulova.

Budan bólek, azatjol – abzas, paıyz – prosent, synyp – klass, qursym – shına,  teńgerim – balans, ánuran – gımn, muqammal – ınventar, aqaý – defekt, shegendeý – demarkasııa, meıramhana – restoran, qımyl – anımasııa, al "áleýet" degen sóz "potensıal" bolyp qaıta ózgertildi.

Al áleýmettik jelide "synyp" pen "klass" sózderi qyzý talqylanǵany belgili. Bireýler osy ýaqytqa deıin "synypqa" ábden úırengenin jazsa, endi bireýler "klasstyń" qaıta kelgenine qýandy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir