• USD 378.65
  • EUR 430.07
  • RUB 6
  • CNY 55.1
20 Tamyz, 16:23:34
Alpınısterdiń naqty qaı jerde ekeni áli belgisiz

26 Maýsym, 2019 Shyǵys Qazaqstan oblysy

Aqyn-jazýshylar el ishin aralap júr

О́leń-jyrǵa sýsap, án men kúıge shólerkep otyrǵan aýyl jurty bir serpilip qaldy

О́leń-jyrǵa sýsap, án men kúıge shólerkep otyrǵan aýyl jurty bir serpilip qaldy. «Rýhanı jańǵyrý» baǵdarlamasy aıasynda arnaıy jolǵa shyqqan zııaly qaýym ókilderi óńirdiń aýdandaryn aralap, aýyl halqymen salıqaly kesh ótkizip qaıtty dep habarlaıdy Qamshy.kz aqparat agenttigi.  

Tyńdarmanyn óreli óleńimen, júrek terbeter án-jyrymen baýrap alǵan top quramynda Qazaqstan Jazýshylar odaǵy Shyǵys Qazaqstan oblystyq fılıalynyń dırektory, jazýshy, jýrnalıst Álibek Qańtarbaev, Qazaqstan Jýrnalıster odaǵynyń múshesi, halyqaralyq, respýblıkalyq jyr dodalarynyń jeńimpazy, belgili aıtys aqyny Serik Qusanbaev, oblystyq fılarmonııanyń ánshisi Qaırat Maıjarov syndy ádebıet pen óner maıtalmandary boldy. 

– Aýdan, aýyldardy aralap, kezdesýler ótkizgende bir baıqaǵanym, el ishi rýhanı dúnıege rasymen de shólerkep qalypty. Árbir aıtylǵan áńgimeni yntasymen tyńdap, suraqtaryn qoıyp, áýelegen ánmen birge qanattanyp otyrdy. Jalpy, sóz qadirin aýyldaǵy qazaqtan artyq eshkim túsinbeıtini anyq qoı. Endeshe bizdiń bul saparymyz óziniń jemisin berdi dep oılaımyn, – deıdi Serik Qusanbaev. 

Aqyn-jazýshylar men óner sańlaqtarynan quralǵan arnaıy top Shyǵys Qazaqstannyń Altaı, Katonqaraǵaı, Kúrshim, Tarbaǵataı, Zaısan, Kókpekti, Jarma, Aıagóz, Úrjar, Abaı, Besqaraǵaı, Ulan, Glýbokoe sııaqty birqatar aýdanyn aralap, aýyl turǵyndarymen kezdesýler ótkizdi. Kezdesý barysynda óner, rýhanııat, ádebıet taqyrybynan bólek jastar tárbıesi, ulttyq qundylyqtar, salt-dástúr jáne basqa da taqyryptar tóńireginde áńgime órbidi. 

– Mundaı rýhanı keshter aýyl jurtyna qajet. Kúndelikti kúıbeń tirlikten bir ýaqyt arylyp, aqyn-jazýshylardyń áńgimesin tyńdap bir marqaıyp qaldyq. Ásirese, jastarymyz úshin bul bir taǵylymdy shara boldy, – deıdi Kúrshim aýdanynyń turǵyny Qýatbek Qazybekuly.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir