• USD 378.65
  • EUR 430.07
  • RUB 6
  • CNY 55.1
21 Tamyz, 07:26:28
Alpınısterdiń naqty qaı jerde ekeni áli belgisiz

01 Shilde, 2019 NEWS

О́.Shókeev: Halyqtyń muń-muqtajyn jedel sheshýimiz kerek

Búgin Túrkistan oblysynyń ákimi О́mirzaq Shókeev aptalyq apparattyq májilisti Arys qalasynda ótkizdi. Jıynda Arys qalasyn qalpyna keltirý máselesi talqylanyp, jumystar talqylandy.

Búgin Túrkistan oblysynyń ákimi О́mirzaq Shókeev aptalyq apparattyq májilisti Arys qalasynda ótkizdi. Jıynda Arys qalasyn qalpyna keltirý máselesi talqylanyp, jumystar talqylandy. О́ńir basshysy qysqa merzimde Arys qalasyn qalpyna keltirý, turǵyndarǵa jaǵdaı jasaý baǵytyndaǵy barlyq máseleni talqylap, osy jaýapty mindetti otanshyldyqpen, janashyrlyqpen atqarý kerektigin aıtty.

«Men osynda 1 aı bolyp qurylysty kúnde basynda turyp qadaǵalaımyn. Eger qaı aýdan uıymdastyra almasa, jaýaptysyn jumystan bosatamyn. Al jaýapty oblystar men qalalar salǵyrttyq tanytsa, Úkimet basshysyna málimdeımin. Halyqtyń muqtajyn jedel sheshýimiz kerek», – degen ákim 17 sektordyń jumysyn jandandyrý jóninde tapsyrma berdi.

Árbir sektordyń jumysyn óńir ákimderiniń jáne aýdan, qala ákimderiniń orynbasarlary jáne Arys qalasynan bir jaýapty ókil, jalpy sany 51 adam úılestiredi. Jeke-jeke shtab quryp, úılerdiń qurylysy, gýmanıtarlyq kómek taratý, qaýipsizdikti saqtaý, qalany tazartý, turǵyndardy aqparattandyrý jáne ózge de máseleler boıynsha kún saıyn málimet berip otyrady.

Apparat májilisinde Atyraý, Qaraǵandy, Jambyl, Mańǵystaý, ShQO oblystary jáne Nur-Sultan qalasy ákiminiń orynbasarlary men jaýapty ókilderiniń málimetteri tyńdaldy. «Samuryq-Qazyna» ál-aýqat qory men QR «Atameken» ulttyq kásipkerler palatasynyń jaýapty ókilderi de ózderine tapsyrylǵan jumystardyń barysy týraly baıandady. Aýdan ákiminiń orynbasarlary da ózderine júktelgen aýmaq boıynsha esep berdi.

Búginde Arys qalasyndaǵy úılerdi tekserý, qurylys nysandarynyń jobalyq-smetalyq qunyn esepteý jumystary júrgizilip jatyr. Keıbir úılerdiń terezeleri aýystyryla bastaǵan. Barlyq sektor boıynsha úılerdi tekserý, akt toltyrý jumystary aıaqtalýǵa jaqyn. Merdigerler anyqtalyp, qurylys brıgadalary jasaqtalǵan.

Oblys ákimi О́mirzaq Shókeev qaladaǵy kópqabatty úılerdiń shatyrlary, syrtqy kórinisi jınaqy ári birkelki bolý kerektigin eskertti. Azyq-túlik úlestirý jáne ózge de jumystardy úılestirýge jergilikti belsendi turǵyndardy tartýdy tapsyrdy. Sonymen birge jıynda qalany aýyz sýmen, elektr qýatymen úzdiksiz qamtý, balalardy demalys oryndaryna jiberý, órt qaýipsizdigin saqtaý, ataýly áleýmettik kómekterdi ýaqtyly aýdarý máseleleri de talqylanyp, naqty josparlar jasaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir