Shyǵystyń jazǵy lagerlerine Arys qalasynan 300 bala keledi

Qyzylorda oblysynyń balalar úılerinde tárbıelenip jatqan jetkinshekter Shyǵys Qazaqstanǵa qonaqqa keldi. Jetim jáne ata-anasynyń qamqorlyǵynsyz qalǵan balaqaılardy munda tanymdyq jazǵy demalys kútip tur dep habarlaıdy .  

– Bul ıgi shara oblys ákimi Danıal Ahmetovtiń tikeleı bastamasymen «Rýhanı jańǵyrý» baǵdarlamasy sheńberinde qolǵa alynyp otyr. Qyzylorda óńirinen kelgen oqýshylar bizdiń oblysta 10 kún bolady. Osy ýaqytta olar Shyǵystyń kıeli jerlerimen tanysyp, tarıhı oryndardy kózimen kóredi. Sondaı-aq balalar úshin merekelik sharalar, oıyn-saýyq baǵdarlamalaryn ótkizý de qarastyrylǵan. Alǵashqy sapar Kúrshim aýdanynan bastalady, – dep atap ótti oblystyq bilim basqarmasynyń basshysy Saırangúl Jumadilova.     

Basqarma basshysynyń aıtýynsha, byltyr shyǵys-qazaqstandyq balalar úıiniń tárbıelenýshileri Qyzylorda oblysyna baryp, Syr eliniń qonaqjaılyǵyna tánti bolyp qaıtqan edi. Al Shyǵys jurty ótken jyly Aqtóbe oblysynan kelgen qonaqtardy qarsy alǵan edi. 

Tanymdyq demalys munymen aıaqtalmaıdy. Aldaǵy ýaqytta apat bolǵan Arys qalasynan 300 bala Shyǵys Qazaqstannyń jazǵy lagerlerinde demalyp, óńirdiń kıeli jerlerin aralaıdy.