• USD 468.56

  • EUR 497.56

  • RUB 7.3

  • CNY 67.18

28 Naýryz, 21:54:31
Almaty
+35°

02 Shilde, 2019 Áleýmet

Tarazdaǵy Baspasóz úıin Sheraǵańnyń atymen ataıyq!

Bálkim osy eki jeleý, bir syltaýmen basqarma basshysyn jyldamdatyp taǵaıyndap, jańa basshynyń alǵashqy mindeti retinde «Baspasóz úıine» Sheraǵańnyń esimin berýdi shegelep turyp tapsyryp jiberseńizder nur ústine nur bolar ma edi degen oı ǵoı. 

«Egemen Qazaqstan» gazetiniń jýrnalısti Qazbek Quttymuratulynyń 2017 jyldyń jeltoqsan aıynda bas basylymda «Oralǵa kelseń, Qadyrdyń úıine bar...» atty maqalasy jaryq kórdi. Sol maqalasynda jýrnalıst «Árıne Qadyr aqyn qashanda el-jurtynyń qurmetinen kende bolmaǵan. Tipti kóziniń tirisin¬de aqynnyń esimi týǵan jerin-degi orta mektepke berilip, ózi ol jerde talaı kezdesý ótkiz¬gen. «Dúnıeden ótkennen keıin bes jyldan soń...» degen tártip Qadyrǵa júrmedi. Ol durys ta edi. Aqynnyń el-jurtpen sońǵy kezdesýleri de týǵan jerinde – Oral qalasynda ótti. Shaý tartqan aqynnyń júzinde sharshaý men shattyq aralas júrip edi sol kezde.

Degenmen, aqynǵa degen eń úlken qurmet – Oral qalasynda 2015 jyly ashylǵan Qadyr Myrza Áli atyndaǵy mádenıet jáne óner ortalyǵy der edik.» dep jazdy. Osylaısha Oraldyqtar ult tulǵasyn ulyqtaýdyń ozyq úlgisin    kórsetti. 

О́tken jyldyń qazan aıy qazaq rýhanııaty úshin ońaı bolǵan joq. Jýrnalıstıkanyń qara nary, ádebıettiń qyzyl jebesi, namystyń naızaǵaıy, aqıqattyń aldaspany, shyndyqtyń shyraǵy atanǵan Sherhan Murtaza kem dúnıeden keń dúnıege attanyp kete bardy. Allanyń ámirine qarsy turar adam balasynda dármen joq árıne. Qaıǵyrdyq, qara jamyldyq. El bolyp, jurt bolyp atpal azamatty aqtyq saparǵa attandyrdyq. Qaraly mıtıngte talaı tamasha oılar, pikirler, usynystar aıtyldy Sheraǵań haqynda. Onyń barlyǵy árıne ult rýhanııatynyń uly tulǵasyn ulyqtaý jaıynda boldy. Osy turǵydan alǵanda halyq jazýshysyna qurmet kindik qany tamǵan Jambyl oblysynan bastaý alsa degen oı bar. Oraldyqtar júzege asyrǵan ıgi is bizdiń oblys basshylarynyń da qolynan keletinine senimim zor. 

Máselen, Taraz qalasynyń Ortalyq alańynda ornalasqan «Baspasóz úıinde» bul kúnde ǵasyrǵa jýyq tarıhy bar oblystyq «Aq jol», «Znamıa trýda» qoǵamdyq-saıası gazetteriniń, respýblıkalyq ádebı-kópshilik «Jambyl» jýrnalynyń redaksııalary jaıǵasqan. Al, jyl basynda Jambyl oblysy ákimdigi Ishki saıasat basqarmasynyń «О́ńirlik kommýnıkasııalar qyzmeti» mekemesi de osynda kelip qonys tepti. Sheraǵań kózi tirisinde elge kelgende osy ǵımaratqa talaı soqqan. Talaı shyǵarmalary osy basylymdarda basylǵan. Áriptes ini-baýyrlarymen talaı áńgime dúken qurǵan. Bylaısha aıtqanda tabanynyń izi, qolynyń taby qalǵan ǵımarat. Aıtpaǵym, osy ǵımaratty jáı ǵana «Baspasóz úıi» demeı «Sherhan Murtaza atyndaǵy baspasóz úıi» desek qandaı jarasymdy bolar edi?! Geografııalyq turǵyda ornalasqan jeri de ádemi. Qalanyń qaq ortasy. 

Bul usynysty oblys ákimi Asqar Isabekuly da qoldaıdy degen oıdamyn. Ol kisiniń ıdeologııa salasyna jaýapty orynbasary Sulýshash Sátbekqyzy da el men jerdiń múddesin bárinen joǵary qoıatyn azamatsha. Onyń ústine dál osy onamastıka máselesine jaýapty basqarmanyń eks basshysy retinde tereńinen túsineri sózsiz. Ras, dál qazirgi tańda Sulýshash Sátbekqyzy oblys ákiminiń orynbasary laýazymyna taǵaıyndalǵaly beri álgi basqarmaǵa áli basshy kelgen joq. Bálkim osy eki jeleý, bir syltaýmen basqarma basshysyn jyldamdatyp taǵaıyndap, jańa basshynyń alǵashqy mindeti retinde «Baspasóz úıine» Sheraǵańnyń esimin berýdi shegelep turyp tapsyryp jiberseńizder nur ústine nur bolar ma edi degen oı ǵoı. 
Sizder ne deısizder?

Beknur Satybaldıev, Qazaqstan Jýrnalıster odaǵynyń múshesi

Taraz qalasy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir