• USD 378.65
  • EUR 430.07
  • RUB 6
  • CNY 55.1
25 Tamyz, 02:48:08
Qoryqshylardyń materıaldyq-tehnıkalyq bazasy kúsheıtiledi

02 Shilde, 2019 NEWS

Mınıstr: Grantqa túse almaǵan talapkerler de tegin oqı alady

Mınstrdiń aıtýynsha, bıyl qosymsha 5 myń grant kópbalaly jáne turmysy tómen otbasylardan shyqqan balalarǵa beriledi.

 

Bilim jáne ǵylym mınıstri Ashat Aımaǵambetov qosymsha granttardyń qalaı taratylatynyn aıtyp berdi, dep habarlaıdy dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Mınstrdiń aıtýynsha, bıyl qosymsha 5 myń grant kópbalaly jáne turmysy tómen otbasylardan shyqqan balalarǵa beriledi. Granttardyń qarajaty transfer arqyly jergilikti ákimdikterge aýdarylady. Atqarýshy organdar óz kezeginde óńirdiń qajettiligin eskere otyryp, naqty mamandyqtardyń tizbesin jasaıdy. Odan keıin konkýrs negizinde granttardy taratady.

"Konkýrsqa qatysý úshin talapker ulttyq biryńǵaı testileýdiń shekti balyn jınaýy qajet. Jalpy, osy grantqa ıe bolý úshin úmitkerler, eń aldymen, jyldaǵydaı negizgi 53 785 grantqa 21-31 shilde aralyǵynda respýblıkalyq konkýrsqa qatysyp, baǵyn synaıdy. Al sol jalpy konkýrs boıynsha grantqa ıe bolmaǵan kópbalaly otbasydan shyqqan jáne ataýly áleýmettik kómek alýshylar sanatyndaǵy talapkerler qosymsha berilgen jańaǵy 5 myń grantty alý úshin tamyz aıynyń 5-10 aralyǵynda kelesi konkýrsqa qatysýǵa jergilikti atqarýshy organdarǵa ótinish bere alady", - dedi Aımaǵambetov.

Onyń sózine qaraǵanda, qosymsha granttar UBT-nyń upaı sanyna qaraı taǵaıyndalady. Al jeńimpazdardyń tizimi jergilikti buqaralyq aqparat quraldarynda jarııalanady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir