• USD 468.56

  • EUR 497.56

  • RUB 7.3

  • CNY 67.18

29 Naýryz, 10:06:49
Almaty
+35°

02 Shilde, 2019 NEWS

Jaqyp Asanov: MFSA soty táýelsiz jáne otandyq sot júıesinen alshaq

Joǵary Sot tóraǵasy Jaqyp Asanov áriptesterine úndeý jarııalady

Joǵary Sot tóraǵasy Jaqyp Asanov keshe áriptesterine úndeý jarııalady dep jazady Qamshy.kz aqparat agenttigi.

"Qurmetti áriptester!

Byltyr Elbasynyń bastamasymen Ult jospary sheńberinde Eýrazııa keńistiginde eki organ quryldy:

  • MFSA soty
  • Halyqaralyq Arbıtraj Ortalyǵy («MAS»).

MFSA soty azamattyq jáne kommersııalyq daýlar boıynsha aǵylshyndyq jalpy quqyqtyń prınsıpterine súıenedi. Onyń prosessýaldyq normalary ozyq halyqaralyq tájirıbege negizdelgen.

MAS taraptarǵa erejelerdi, rásimderdi, til men arbıtrlerdi, sonyń ishinde MAS-tyń quramyna usynylǵan arbıtrlerdi tańdaý máselesinde barynsha ıkemdi.

Bul organdardyń artyqshylyǵy nede?

Birinshiden, bizdiń jáne sheteldik kásipkerler joǵary standarttar boıynsha jumys isteıtin 9 bedeldi sýdıaǵa jáne úlken abyroıǵa ıe halyqaralyq arbıtrlarǵa júgine alady.

Iаǵnı, taraptar MFSA jáne MAS ıýrısdıksııasyn paıdalaný jóninde jazbasha kelisimge kelse, bul organdar qylmystyq jáne ákimshilik isterden bólek kez-kelgen sharýashylyq daýdy qaraı alady.

Ekinshiden, MFSA soty «eJustice» dep atalatyn ótinishterdi qabyldaý júıesi men shaǵyn daýlardy ($150 000 deıin) jedeldetilgen tártippen qaraýdyń rásimin engizdi. Daýlar tek tıimdi emes, sonymen birge tez qaralady. Búkil prosesti onlaın kórýge bolady.

Úshinshiden, 2021 jyldyń sońyna deıin MFSA soty men MAS eshqandaı baj almaıdy. Iаǵnı, ister sapaly jáne tez ǵana emes, sonymen qatar tegin qaralady.

MFSA soty táýelsiz jáne otandyq sot júıesinen alshaq. Solaı bolsa da aramyzda biz onyń tıimdi jumysyna múddelimiz, sebebi bul ekonomıkamyzdyń ınvestısııalyq tartymdylyǵyna áser etedi.

A.j. 25 sáýirinde MFSA soty alǵashqy isin qarady. Qaýlysy qosa tirkelip otyr. Osyǵan deıin esh jerde jarııa etilgen emes. Qaýlyny úlken qyzyǵýshylyqpen oqyp, oı bólisesizder degen oıdamyn.

Biz MFSA soty men MAS-qa aǵylshyndyq jalpy quqyq sheńberinde sheshiletin ister barynsha kóp berilgenin qalaımyz.

Sıngapýr, Gonkong, Nı-Iork, Londonnyń qarjy ortalyqtarynyń modeli aǵylshyndyq jalpy quqyqtyń nátıjeli jumysynyń jaqsy mysaly. Búkil álemdegi sot qaýymy solarǵa qarap boı túzeıdi. Olardyń jumysy bizdiń sýdıalarǵa da jaqsy úlgi bolar edi.

Barlyq sýdıalardy MFSA soty men MAS-qa júginý quqyǵyn túsindirýge shaqyramyn. Olardyń artyqshylyǵyn isti daıyndaýdyń alǵashqy kezeńinde-aq bıznes ókilderine jetkizgen jón. Bul halyqaralyq kompanııalarmen daýy bar taraptar úshin erekshe mańyzdy.

Taraptar aryzyn Qazaqstannyń jergilikti sotyna berip qoısa da MFSA men MAS-qa qaralýǵa bolady. Ol úshin arasynda kelisim bolsa jetkilikti.

Bul sharalar elimizde ınvestorlar men kásipkerliktiń damýy úshin qolaıly quqyqtyq jaǵdaı týǵyzary sózsiz.

Qurmetpen,                                                

J. Asanov",- delingen úndeýde.

"Qamshy" silteıdi
Ilmek sózder: JS Joǵarǵy Sot

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir