• USD 378.65
  • EUR 430.07
  • RUB 6
  • CNY 55.1
22 Tamyz, 07:02:52
Senim údesinen shyqqan bank

02 Shilde, 2019 NEWS

Turmysy tómen azamattardyń nesıesi qashan óteletini belgili boldy

Buǵan deıin el qaryzyn jabý úshin shamamen 105 mıllıard teńge jumsalatyny aıtylǵan edi.

Qaryzy bar azamattardyń júktemesin azaıtýǵa arnalǵan qaýlynyń jobasy bekitildi dep habarlaıdy Qamshy.kz aqparat agenttigi. 

Turmysy tómen azamattardyń nesıesi memleket esebinen 1 qyrkúıekke deıin óteledi.

Onda turmysy nashar jáne kópbalaly otbasylar men múmkindigi shekteýli jandardyń nesıesiniń 300 myń teńgesi 1 qyrkúıekke deıin ótelýi tıis dep jazylǵan.

Sol sebepti Eńbek jáne halyqty áleýmettik qorǵaý mınıstrligi 15 shildege deıin qaryzy bar azamattardyń tizimin jasap, jalpy bereshegin esepteýi kerek. Keıin málimetterdi Ulttyq bank tekseredi. Sonyń nátıjesinde Qarjy mınıstrligi problemalyq nesıeler qoryna aqsha aýdarady.

Esterińizge sala ketsek, memleket basshysy Qasym-Jomart Toqaev 26 maýsym kúni Qazaqstan azamattarynyń borysh júktemesin azaıtý sharalary týraly jarlyqqa qol qoıdy.Mundaı jeńildik kópbalaly otbasylar, asyraýshysynan aırylý jaǵdaıyna baılanysty tólem alatyn otbasylar, múgedek balalary bar, 18 jastan asqan, bala jasynan múgedekter bar otbasylar,  ataýly memlekettik áleýmettik kómek alatyndar, jetim balalar, ata-anasynan  kámelettik jasqa deıin aıyrylǵan, jıyrma toǵyz jasqa tolmaǵan, ata-ananyń qamqorlyǵynsyz qalǵan balalarǵa beriledi. 

Budan bólek, olardyń bıylǵy 1 maýsymǵa deıingi qaryzdarynyń jalpy kólemi 3 mıllıon teńgeden aspaýy tıis.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir