Atyraýda 1000-ǵa jýyq adam túngi marafonǵa qatysty

Osymen ekinshi jyl qatarynan qala ákimdiginiń uıymdastyrýymen ótken sharaǵa 1000- ǵa jýyq adam qatysty.

"Túngi marafonǵa qatysýshylardyń kóbi jastar. Degenmen egde jastaǵy qatysýshylar da az emes. Sonyń biri 51 jastaǵy Ajar Alımaqanova júgirýdi ádetke aınaldyrǵan, turaqty qatysýshy bolyp tabylady. Osyndaı sporttyq sharalar arqyly jastardy salaýatty ómir saltyn ustanýǵa shaqyra alamyz. О́tkizilip jatyrǵan marafon aldaǵy ýaqytta da jalǵasyn taba bermek",- deıdi "Atyrau Marathone-2019" uıymdastyrý komıtetiniń vıse-prezıdenti Iýrıı Ponomarev. 

Túngi marafon 4,5 km-ge qashyqtyqty qamtydy. Barlyq qatysýshylarǵa máre aldynda neon bilezikteri, al márege jetken soń estelik medaldar men sertıfıkattar berildi. Erler men áıelder arasynda úzdik kelgen 5 qatysýshyǵa arnaıy syılyqtar tabys etildi.

Is-shara sońynda túngi marafon uıymdastyrýshylary eń kreatıvti jáne «eń jarqyraǵan kıimdi» tańdady. Hokkeıshi, pokemon jáne soldat keıpinde kıinip kelgen turǵyndar úzdik dep tanyldy. 

Aıta keteıik, shilde aıynda dástúrge aınalǵan "Eko marafony" ótetin bolady.