• USD 378.65
  • EUR 430.07
  • RUB 6
  • CNY 55.1
24 Tamyz, 06:51:41
Qoryqshylardyń materıaldyq-tehnıkalyq bazasy kúsheıtiledi

28 Maýsym, 2019 Shyǵys Qazaqstan oblysy

Zaısanda aralas jekpe-jekten «Eýrazııa kýbogi» ótti 

«Eýrazııa kýbogine» elimizdiń ár óńirinen, sondaı-aq Qyrǵyzstan, О́zbekstan, Mońǵolııa qatarly kórshiles memleketterden uzyn sany otyzdan astam sportshy qatysty

Shyǵys Qazaqstan oblysynyń Zaısan qalasynda aralas jekpe-jekten halyqaralyq týrnır ótti. «Rýhanı jańǵyrý» baǵdarlamasy aıasynda uıymdastyrylǵan «Eýrazııa kýbogine» elimizdiń ár óńirinen, sondaı-aq Qyrǵyzstan, О́zbekstan, Mońǵolııa qatarly kórshiles memleketterden uzyn sany otyzdan astam sportshy qatysty.

Úsh kúnge sozylǵan dúbirli doda aýdan ortalyǵyndaǵy stadıonda ótti. Bilektiler men júrektiler saıysyn tamashalaýǵa jankúıerler qatary mol jınaldy. Synǵa túsip jatqan otandastaryna qoldaý bildirý úshin aýdan ákimi serik Aqtanov ta kelip, jekpe-jekterdi tamashalap otyrdy.  

Týrnırdiń shymyldyqashalar jekpe-jeginde 53 kelige deıingi salmaq dárijesinde óner kórsetken qazaqstandyq Darhan Ysqaqov qyrǵyzstandyq Hýsnıdın Satybaldıevpen kúsh synasty. Tartysty ótken bul jekpe-jekte jergilikti jankúıerlerdiń qolaýynan jigerlengen Darhannyń bási bıik boldy. Jalpy, budan keıingi básekelerde de kók baıraǵymyzdy jelbiretip shyqqan qazaq sportshylarynyń baǵy men baby qatar shaýyp, shetelden kelgen qarsylastaryn alyp ta, shalyp ta jyǵyp jatty. Nátıjesinde sarapqa salynǵan alty belbeýdiń beseýi qazaqstandyq sańlaqtardyń belinde ketti. Atap aıtsaq,  53 kelige deıingi salmaqta Darhan Ysqaqov (Qazaqstan), 57 kelide Erzat Saqabanov (Qazaqstan), 61 kelide Bekzat Álmahan (Qazaqstan), 65 kelide Mıras Ulyqpanov (Qazaqstan), 70 kelide Munarbek Bekturbekuly (Mońǵolııa), 80 kelide Imran Taısultanov (Qazaqstan) chempıon atandy.

– Aýyldyq jerde mundaı sport merekesiniń ótýi úlken jańalyq boldy zaısandyqtar úshin. Úsh kún boıy jekpe-jek ónerin tamashalap, ózimizdiń sportshylarǵa jankúıerlik ettik. Bizdiń jigitter úmitti aqtady, jeńiske jetkenderdiń deni otandastarymyz, – deıdi zaısandyq Erkebulan Dosymbekuly.

Aıta ketý kerek, atalmysh týrnır tarıhta aty ańyz bop qalǵan Qabanbaı batyrdyń úzeńgiles serigi bolǵan Baımurat Báıimbetulynyń rýhyna taǵzym etý maqsatynda uıymdastyryldy. «Eýrazııa kýboginiń ótýine «Jekpe-jek» dúnıejúzilik qaýymdastyǵynyń prezıdenti Sabyrjan Mahmýtov qoldaý kórsetti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir