Reseı men Japonııa arasyndaǵy aral daýy órship keledi (vıdeo)

 G20-nyń resmı saıtynda reseılik Kýrıl araldarynyń Japonııamen qosylǵan kartasy kórsetilgen beınejazba ornalastyrylǵan dep jazady Qamshy.kz aqparat agenttigi.

Maýsym aıynyń sońynda kezekti "jıyrmalyq" sammıti ótken Osaka qalasyna arnalǵan rolıkti Premer-mınıstr Sındzo Abe YouTube-arnasyna 19-aqpanda ornalastyrǵan. Beınerolıktiń úshinshi sekýndynda Kýrıl tizbeginiń tórt araly  Japonııa aýmaǵyna qosylǵan kartasy paıda bolady.

Tokıo Reseıdiń Ońtústik Kýrıl araldaryndaǵy egemendigin moıyndamaıdy, sondyqtan, kartada óz aýmaǵy retinde beınelepti-mys.

Kýrıl máselesi

Ekinshi dúnıejúzilik soǵystan keıinaralǵa qatysty Reseı men Japonııa  beıbit kelisim-shart jasasqan joq.

Olardyń arasyndaǵy negizgi qaqtyǵystar Kýnashır, Shıkotan, Itýrýp jáne Habomaı  araldaryna qatysty. Tokıo osyǵan oraı 1855 jyly saýda jáne shekaralar týraly ekijaqty traktatqa silteme jasaǵan.

Máskeý, óz kezeginde, soǵys qorytyndysy boıynsha bul araldar KSRO aýmaǵynyń bir bóligine aınalǵanyn, al reseılik bılik olarǵa kúmán keltirmeıtindigin atap ótedi.

1956 jyly KSRO jáne Japonııa Birikken deklarasııaǵa qol qoıdy. Máskeý Habomaı jáne Shıkotan araldaryn  Japonııaǵa berý múmkindigin qarastyrýǵa kelisedi. Qalǵan eki araldyń taǵdyry qozǵalmady. Degenmen, keıingi kelissózder esh nátıje ákelgen joq.

Bul úderis 2018 jyldyń qarasha aıynda Sıngapýrdaǵy Pýtın men Abe kezdesýinen keıin jandandy. Japon premer-mınıstri eki jaq tarap 1956 jylǵy deklarasııa negizinde kelissózderdi jedeldetýge kelisti dep málimdedi. Bul Tokıo tarapynan eleýli jol berý bolyp sanaldy, óıtkeni, onyń resmı ustanymy áli kúnge deıin barlyq tórt araldardy berýdi talap etý jáne osydan keıin ǵana beıbit kelisim-shart jasaý edi.

Reseı bıligi Japonııa, eń aldymen, ekinshi dúnıejúzilik soǵystyń qorytyndysyn, onyń ishinde Ońtústik Kýrıl araldarynda reseıdiń egemendigin moıyndaýy kerek dep birneshe ret atap ótti.

Aýdarǵan: Aqjibek Aralbek