• USD 468.56

  • EUR 497.56

  • RUB 7.3

  • CNY 67.18

29 Naýryz, 14:52:20
Almaty
+35°

Arystaǵy jarylys kezinde zardap shekken 50 adam aýrýhanada jatyr dep habarlaıdy Qamshy.kz aqparat agenttigi. 

Bul týraly naýqastarmen kezdesý kezinde densaýlyq saqtaý mınıstri Eljan Birtanov aıtty. Mınıstrdiń aıtýynsha, qazirgi ýaqytta 50 naýqas aýrýhanada em qabyldap jatyr. Aýyr jaraqat alǵan eki adam Nur-Sultan qalasyna, taǵy eki adam Almatydaǵy emdeý mekemelerine jetkizilgen.

"Qajetti dári-dármek bar, medısınalyq kómek shtattyq rejımde kórsetilip jatyr", - dedi Birtanov.

Densaýlyq saqtaý mınıstriniń aıtýynsha, qazir Arys halqyna medısınalyq kómek kórsetý úshin 17 jedel járdem brıgadasy jumys isteıdi. Bul iske tórt jyljymaly keshen, Ulttyq saraptama ortalyǵynyń 18 qyzmetkeri  men 2 jyljymaly zerthana jumyldyrylǵan.

Aýyr jaraqat alǵan tórt adam Nur-Sultan jáne Almaty qalalaryna jetkizildi.

Sondaı-aq, radıasııalyq baqylaý toby Arys aýmaǵyn tekserdi.

"518 zertteý júrgizildi. Radıasııa deńgeıi sanıtarlyq normalarǵa saı. Sondaı-aq jarylys aýmaǵyndaǵy jer qyrtysy tekserildi", - dedi Birtanov.

Mınıstr atmosferalyq aýa elý ret tekserilgen atap ótti. Mıkrobıologııalyq jáne sanıtarlyq-hımııalyq kórsetkishterdi zertteý jumystary júrgizilgen. Olar da normaǵa saı.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir