Saǵat 10.00-de bastalyp eki saǵat bolǵan mıtıngke bılik ruqsat bergen. Oǵan shamamen 200-den asa adam jınaldy.
Jınalǵan jurtshylyq aldynda sóz sóılegen belsendiler "beıbit mıtıng úshin bılikten ruqsat suramaý kerek jáne ony belgili bir orynda ǵana ótkizý halyqtyń zańdyq quqyǵyn shekteý" degendi aıtty.
Alǵashqylardyń biri bolyp sóz sóılegen qoǵam qaıratkeri Rysbek Sársenbaıuly halyqtyń óz quqyǵyn talap etýdi úırenýi qajet ekenin aıtty. Ol Qazaqstannyń eks-prezıdenti Nursultan Nazarbaevqa:
"Aqsaqal, 30 jyl boıy halyq moınyna minip keldińiz. Endi halyq moınynan túsińiz, bılikten tolyq ketińiz. О́zińizben birge bılik qolshoqpary bolǵan Ishki ister mınıstri, ózge de sheneýnikterdi alyp ketińiz",- dedi.
Rysbek Sársenbaıulynan basqa sóılegen belsendiler de "Nazarbaevtyń bılikten birjolata ketýin" talap etti.
Olar eks-prezıdenttiń "bılikke jarmaspaı", qazirgi prezıdent Qasym-Jomart Toqaevqa eldi basqarýǵa kedergi keltirmesin" degen talap qoıdy.
Al mıtıngti uıymdastyrýshylardiń biri Álnur Ilıashev qatysýshylardan "mıtıng ótkizýge ruqsat qajet emes" degen taqyrypta ǵana sóıleýin ótindi.
Mıtıngke eki saǵat ýaqyt qana berilgen. Sondyqtan qatysýshylar bir-birine oıyn qysqa da nusqa jetkizýdi, bir-birin qaıtalamaýǵa shaqyrdy.
"Aqıqat" JSDP-nyń jetekshisi Ermurat Bápı "bılik belsendilerge mıtıng ótkizýge ruqsat berse de, basqalardyń quqyǵyn shektep otyrǵanyn" aıtty.
–Bılik myna jerde bizge mıtıng ótkizýge ruqsat berdi, biraq "Saryarqa" bazarynda saýda jasaıtyndardyń quqyǵyn shektedi. Olarǵa búgin bazarda saýda jasaýlaryna tyıym salynǵan. Bul – halyqtyń quqyǵyna qol salý", - dedi Ermurat Bápı.
Sonymen qatar, qatysýshylardyń barlyǵy bılikten Aron Atabek, Maks Boqaev, Muhtar Jákishev jáne taǵy da basqa "saıası tutqyndardy" bosatýdy talap etti.
Pikir qaldyrý
4 pikir
Yklas 30 Maýsym, 2019
Mynaý demakratııanyń birinshi alǵash bastaýy.
0 | Jaýap berý
Bıgalı Shomanov 30 Maýsym, 2019
Jerdi sheteldikterge tek qana satý emes, jalǵa berýge de tıym salý kerek!
0 | Jaýap berý
Aman 30 Maýsym, 2019
Keremet aıtylǵan.Prezıdenttikke Ýkraına saıyq mazaǵy Zelenskıı syıaqty Tursynbekti saılaý kerek.My hotım beremin.
0 | Jaýap berý
serikbaı 30 Maýsym, 2019
bul bılikke senýge bolmaıdy mıtınke ruqsat bergeninde bir jamandyq bar bunyń báriniń artynda kim turǵany belgili
0 | Jaýap berý