Qaraǵandy - Temirtaý tasjolynda kólik apaty boldy: 6 adam qaza tapty

Qaraǵandy-Temirtaý tasjolyndaǵy "QazMunaıGaz" janar-jaǵarmaı quıý beketiniń janynda iri apat boldy dep habarlaıdy Qamshy.kz aqparat agenttigi sputniknews.kz saıtyna silteme jasap.

Alty adam oqıǵa ornynda kóz jumdy. Úsh adam túrli jaraqatpen aýrýhanaǵa jetkizildi.

Densaýlyq saqtaý basqarmasynyń baspasóz qyzmetiniń habarlaýynsha, oblystyq travmatologııa ortalyǵyna úsh adam jetkizilgen.

"Bir áıel bas jaraqatyn alǵan, buǵanasy syndy. Ekinshi naýqas ta bas jaraqatyn alǵan. Úshinshi áıelde aıaqtyń jabyq synyǵy bar, basyn jaraqattaǵan. Qazir zardap shekkenderge tıisti medısınalyq kómek kórsetilýde", - dep habarlady basqarmanyń baspasóz hatshysy.

Travmotologııalyq qyzmet ortalyǵy hırýrgtar men neırohırýrgtardyń qosymsha brıgadalaryn jasaqtady.

Dárigerlerdiń aıtýynsha, qaza tapqandardyń arasynda balalar joq.

Qaraǵandy oblysy polısııa departamenti baspasóz qyzmetiniń málimetine sáıkes, Daewoo kóliginiń júrgizýshisi kináli bolýy múmkin. Aldyn ala aqparat boıynsha Qaraǵandyǵa bet alǵan 30 jastaǵy áıel rólge ıe bola almaı qalyp, qarsy baǵytqa shyǵyp ketken. Onyń kóligi Audi-men soqtyǵysady. Rólde 36 jastaǵy er adam boldy.

"Jol apaty saldarynan eki júrgizýshi men kólikterdegi tórt jolaýshy oqıǵa ornynda qaza tapty", - dep habarlady baspasóz qyzmeti.

Apatqa qatysty QR Qylmystyq kodeksiniń 345-baby 4-bóligi boıynsha sotqa deıingi tergeý bastaldy.