Shymkent qalasy polısııa departamentiniń basshysy Eraly Jumaxanbetov jýrnalısterge bergen suhbatynda 27 maýsymda Shymkentte bolǵan Arys turǵyndarynyń narazylyǵy kezinde tártip buzylmaǵanyn aıtty dep jazady Qamshy.kz aqparat agenttigi.
Eraly Jumahanbetovtyń aıtýynsha, jergilikti turǵyndardan polısııaǵa aryz túsken. Onda sherýshiler aralarynda arandatýshylardyń bolýy múmkin ekenin aıtqan. Polısııa qyzmetkerleri narazylyqqa shyqqan toptyń basy-qasynda júrgeniniń taǵy bir maqsatyn osylaı túsindirdi.
"Bári oıdaǵydaı ótti. Eshqandaı tártip buzý bolǵan joq. Eshkim — eshkimdi urǵan joq, eshkim — eshkimge tıisken joq. Arys turǵyndary bizge "kóshemen júremiz, tártip buzbaımyz, biraq arandatýshylar bolýy múmkin, kómektesińizder" dep aldyn ala eskertti. Osydan soń, biz alańǵa keldik. Jaraqat alǵandar da bolmady. Narazylyqqa shyqqan top ókilderine de rahmet, olar ýádelerinde turyp, tynysh qana jolmen júrip ótti. Olar jaǵdaıyn aıtyp, plakattarǵa «Arys kómek», — dep jazyp júrdi, boldy ǵoı", — dedi Jumahambetov.
Búgin, ıaǵnı, 27 maýsymda saǵat 11.00 shamasynda "Aqmeshit" meshiti aldyndaǵy Temirlan kóshesin Arys turǵyndary japqan. Narazylar ózderin tórt ret jarylys bolǵan Arys qalasynan basqa jaqqa kóshirýdi, úı berýdi talap etti. Narazy jurtqa Túrkistan oblysynyń ákimi О́mirzaq Shókeev pen Shymkent ákimi Ǵabıdolla Ábdirahymov kelip, meshit ishinde kezdesý ótkizdi. Ábdirahymov narazylarǵa "Shymkentte baspana kezeginde 150 myń adam tur, taratatyn úı joq" dep jaýap berdi.
Narazy turǵyndar meshit ishinen shyǵyp, Shymkenttiń ortalyq alańyna bet aldy. Ol jaqta da narazydlardy bılik ókilderi tarqata almady.
"Arysqa barmaımyz, bizge basqa jaqtan úı nemese jer bersin" dep urandatqan sherýshilermen sóılesýge Islam dinin ýaǵyzdaýshy Abdýǵappar Smanov pen Arman Qýanyshbaev keldi.
Pikir qaldyrý
pikir