• USD 468.56

  • EUR 497.56

  • RUB 7.3

  • CNY 67.18

29 Naýryz, 13:50:31
Almaty
+35°

28 Maýsym, 2019 Saıasat

Ákimniń orynbasary: sherýge shyqqandardyń 90 paıyzy tarqap ketti

Sherýge shyqqandar tarqady. Erteń arystyqtar óz jurtyna oralmaq.

Shymkent qalasy ákiminiń orynbasary Danat Jýmın ruqsat etilmegen mıtıngten keıingi qaladaǵy jaǵdaı týraly pikir bildirdi dep jazady Qamshy.kz aqparat agenttigi.

–Búgin qalada Arys qalasynan evakýasııalanǵan turǵyndar ruqsat etilmegen sherý bastap, shahardaǵy jol-kólik qozǵalysyna, jergilikti turǵyndardyń tynyshtyǵyna kedergi keltirdi. Sherýge shyqqandardyń agressıvti áreketteri aldaǵy ýaqytta tolǵynan talqylanatyn bolady, - dedi Jýmın óziniń áleýmettik jelidegi paraqshasynda.

Onyń aıtýynsha, qalada oryn alǵan keleńsiz oqıǵa quqyq qorǵaý organy qyzmetkerleriniń qatań baqylaýynda.

–Qala ákimi Ǵabıdolla Ábdirahymov sherýge shyqqandardyń talap-tilegin tyńdaý úshin olarmen eki ret kezdesti. Birinshisi – Ortalyq meshitte, ekinshisi – Ortalyq alańda. Qazirgi ýaqytta sherýge shyqqandardyń 90 paıyzy tarqady. Ortalyq alańda ǵana kishigirim top qalyp otyr, - dedi qala ákiminiń orynbasary.

Sondaı-aq, ol Arys qalasynyń turǵyndarynyń erteńnen bastap úılerine oralý múmkindigi týǵanyn, eshqandaı qaýip-qater joqtyǵyn málimdedi.

Eske sala keteıik, búgin tús shamasynda Shymkent qalasyna evakýasııalanǵan arystyqtar jańa úı men jarylystan keıingi ótemaqyny tóleýdi talap etip, ruqsat etilmegen sherýge shyqqan bolatyn.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir