• USD 389.52
  • EUR 429.21
  • RUB 6.07
  • CNY 54.94
23 Aqpan, 00:31:55
Shyńjańdyq dúngen: Dereý qazaqtardan keshirim surańdar! (aýdıo)

27 Maýsym, 2019 Saıasat

Arandap qalmańdar, arystyqtar!

Úı surama, qaýipsizdik sura! El ishinde dalada qalmasyń anyq, qazaǵym!

Arys qalasynyń myńdaǵan turǵynyn ábigerge salyp, birneshe adamnyń ómirin jalmap, qanshama adamnyń densaýlyǵyna zalal keltirgen apatty jaǵdaıdan ıisi qazaqtyń túgeli habardar. Aıaǵy jetkender Arysqa attanyp, qalǵany ishteı tileýles bolyp otyr.

1

Shúkir, el ekenbiz!

Qazaqtyń qazaqtyǵyn saqtap kele jatqan – shúkir men táýbe. Qazaqtyń alǵa jyljyp, óz betinshe kúrep aqsha tappaýynyń, kásippen aınalyspaýynyń da basty sebebiniń biri – osy.

Arystaǵy apattyń saldarymen kúresýge Qorǵanys mınıstrligi tarapynan, Ishki ister mınıstrliginen myńdaǵan áskerı qyzmetker men júzdegen arnaıy tehnıka bólindi. Bul – apattan zardap shekkenderge memleket tarapynan jasalǵan kómek.

Al arystyqtar jarylys shyqqan sátte-aq qalany tastap, basy aýǵan jaqqa qashty. Biri Shymkentke, ekinshisi Túrkistanǵa degendeı. Kóligi joqtar qyr basyna shyǵyp, ot qushaǵyna oranǵan kishi Otandaryn syrttan baqylap, ishteı duǵa tileýden ary asa almady.

Shymkent qalasynyń barsha turǵyny basyna kún týyp, kiriptar bolyp kelgen halyqtyń aldynan qoldaryna túsken dúnıesin ala umtyldy. Jelide taraǵan qolyna sý, nan ustap jol shetinde turǵandar, rasynda, júrekti eljiretedi-aq. Beıbit kúnde bir-birimen kózqarasy saı bolmaı, saıası ustanymy sáıkes kelmeı júretin eldiń jumylǵan judyryqtaı birige ketkeni ishtegi rýhty bir kóterip tastady.

Ár aımaqtan júk kóligimen, poıyzben aǵylǵan qanshama kómek myńdaǵan adamnyń ıgiligine jumsalyp jatyr. Eldiń baǵyty jaqsylyq jasaýdan jarysýǵa oıysyp keledi eken. Osy betalysty buratyndardyń júzi kúıgeı.

Dalada qalǵan qazaq kemde-kem

2

Jergilikti ákimshilik basqarýdyń arqasynda, halyqtyń arqasynda Arystan bas saýǵalaǵan qandastar meshitterge, mektepterge, tipti, úılerge bólinip túsip jatty. Ár jerde lager, arnaıy shtab qurylyp, jaýapty adamdar bekitildi.

Ár aımaqtan jomart jandar qaltalarynyń kólemine qaraı qarajat aýdaryp, shama-sharqynsha kisilik kórsetip jatyr. Memleket basshysy Qasym-Jomart Toqaevtan bastap, birneshe kásiporyn, memlekettik mekeme qyzmetkerleri biri jarty tabysyn, biri bir kúndik jalaqysyn aýdaryp jatyr. Eldiktiń belgisi emes pe?

Ýáde etildi, oryndalar

3

Arysta apat oryn alǵan kúni memleket basshysy Qasym-Jomart Toqaev oqıǵa orynyna arnaıy kelip, halyqtyń ahýalymen tanysty, jaýapty qyzmetkerlerge tapsyrma berdi.

«Aqsha bólinedi», - dep basa aıtqan prezıdent sóziniń dalada qalmasy anyq qoı. Al qyryq bes myńnan astam adamnyń dalada qańǵyp ketpeıtini ekibastan anyq qoı.

Qazir halyqtyń arasynda arandatýshylar belsendi jumys jasaýda. «Qulannyń qasýyna, myltyqtyń basýy» degendeı, urymtal jerden jambasqa basýdy kózdegen sasyq peıildi azamattar da az emes.

«Úılerdi jóndeýge aqsha bólemiz. Úkimet esepteıdi, biz qarajat bólemiz. Ýaıymdamańdar, bári durys bolady», - degen prezıdent sózine senimsizdik tanytqandar jergilikti aımaqtyń ákimderin tútip jeýde.

4

El arasynda «Bizge jóndelgen úı kerek emes, bizge jańa úı kerek», - dep dúnıe daýlaǵan qandastar da tabyldy. Bul – astyndaǵy atyn qonaǵyna soıyp berip, ertesine júgen ustap qala beretin arda qazaqtyń qanynda bar erek qasıetke syn.

Úı jóndeler, ýaqyt óter, sosyn qaıtpekpiz? Ana shyryldaǵan balalardyń taǵdyry ne bolmaq? Arysta tórt ret qaıtalanǵan apattyń besinshi ret oryn almaýyna nedeı kepildik bar?

Mine, osyndaı suraqtar adam jıylǵan jerlerde minberden aıtylmaı qalyp jatyr. Halyqqa qoldap aqsha taratqandardyń vıdeosy, kóp adam óldi degen jalǵan aqpardy taratýǵa qumartqandar barshylyq.

El bolý úshin birlik kerek! Osyndaı alasapyran oqıǵalar ýaǵynda árbirimiz tek adamdyq bıikten oılanyp, qý dúnıeniń, qý qulqynnyń qamy úshin baıbalam salmaı, el taǵdyryn, bolashaq balalar taǵdyryn jaýaptylar qolyna bir sát tapsyryp nege kórmeske?!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir