Bas prokýror 10 jylǵa sottaldy

26 maýsym kúni Tashkent qalalyq soty О́zbekstannyń burynǵy bas prokýrory Rashıd Qadyrovty 10 jylǵa sottady dep jazady Qamshy.kz aqparat agenttigi Azattyqqa cilteme jasap.

Azattyqtyń jazýynsha, sot prokýrordy "para aldy, bopsalady, qarjylyq alaıaqtyq jasady, salyq tóleýden jaltardy, ádil sotqa kedergi keltirdi" dep aıyptaǵan.

Qadyrovpen birge taǵy 12 adamǵa da úkim oqyldy. Olar ár túrli merzimge sottaldy. Aralarynda eń uzaq merzim - 19 jylǵa qamalǵany da bar.

Qadyrov byltyr aqpan aıynda ustalǵan. Al sot otyrysy bıyl qańtarda bastalǵan.

О́zbekstannyń bas prokýratýrasyn 15 jyl boıy basqarǵan, burynǵy prezıdent “Islam Karımov gvardııasyndaǵy” sheneýnikterdiń biri retinde atalatyn Rashıd Qadyrovty qazirgi prezıdent Shavkat Mırzııaev bılikke kelgen soń birneshe ret ashyq synaǵan. Mırzııaev 2017 jyly tamyzda prokýratýra qyzmetkerlerin "urylar" dep ataǵan.