26 Maýsym, 2019
Arys qalasynyń turǵyndary jarylystan 3 adam qaıtys boldy degen derekti joqqa shyǵardy (vıdeo)
Turǵyndar buǵan laıyq emes edi. Turǵyndar kir-kir kıimmen júr, azyq-túlik jetispeı jatyr.
Arystaǵy turǵyndarǵa azyq-túlik jetpeı jatyr dep jazady Qamshy.kz aqparat agenttigi. Bul týraly Azıza О́tegenova óziniń feısbýk paraqshasynda habarlady.
–Turǵyndar buǵan laıyq emes edi. Turǵyndar kir-kir kıimmen júr, azyq-túlik jetispeı jatyr. Meniń kózimshe bir otbasyna tańǵy asqa 2 túıir nan ǵana berdi. Tamaq berildi, biraq óte az. Tez bitip qaldy. Barlyǵynyń qabaǵy qatyńqy, ashýly. Kóp balaly otbasylardyń sany kóp. Úsh kún boıy kir-kir kórpeshelerde meshittiń janynda túnep júr. Turǵyndar ózderine adamsha jaǵdaı jasalǵanyn qalaıdy. Tamaq ta, kıim-keshek te surap jatqan joq. Men muny kórip, shydaı almadym, - dep jazdy Azıza О́tegenova.
Sonymen qatar, Azıza О́tegenova kóp balaly 1 aı páter jaldap turýǵa kómektesetinin aıtty.
Aıta ketsek, "Arystaǵy jarylystyń kesirinen 3 adam qaıtys boldy" degen resmı derek bar. Alaıda Arys qalasynyń turǵyndary munymen kelispeıdi. Turǵyndar jarylystyń kesirinen 3 emes, odan da kóp adamnyń ólip jatqanyn kórgen. Bul týraly qala turǵyndary Azattyq radıosynyń jýrnalısterine bergen suhbatynda aıtqan.
–Adamdar jolda ólip jatty. Balalarym da kórdi. Muny biraq eshbiri aıtyp jatqan joq. Biz ish kıimmen, jalań aıaq qashtyq. Biz dalada qaldyq. Úıimizdi kórdik. Úıimiz jaryldy. Baspanasyz qaldyq, - deıdi jarylystan zardap shekken turǵyndar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir