• USD 378.65
  • EUR 430.07
  • RUB 6
  • CNY 55.1
21 Tamyz, 09:30:32
Alpınısterdiń naqty qaı jerde ekeni áli belgisiz

26 Maýsym, 2019 Barlyq aımaqtar

О́.Shókeev: Turǵyndar apta sońynda úılerine oralady

Arys qalasyna turǵyndardy apta sońynda kirgizetin bolamyz.

Búgin Túrkistan oblysy, Aqjol aýyly, Jambyl atyndaǵy orta mektepte Túrkistan oblysynyń ákimi О́mirzaq Shókeevtiń qatysýymen baspasóz-máslıhaty ótkizildi dep jazady Qamshy.kz aqparat agenttigi Túrkistan oblysy ákiminiń baspasóz qyzmetiniń deregin negizge alyp.

Jıynǵa oblys ákimimen qatar ««Nur Otan» partııasy Tóraǵasynyń Birinshi orynbasary Máýlen Áshimbaev, QR Qorǵanys mınıstriniń orynbasary Baqyt Qurmanbaev, TJD ókili, Qazaqstan Respýblıkasynyń Bas sanıtar-dárigeri Jandarbek Bekshın, oblys prokýrory, aımaqtyq veterınarlyq ınspesııa ókili qatysty. О́ńir basshysy eldi mazalaǵan ótkir ári ózekti suraqtarǵa jaýap berip, Arystaǵy jaǵdaı turaqtalyp, qaýiptiń beti seıilgenin málimdedi.

Qazirgi tańda Arys qalasyndaǵy tótenshe jaǵdaı tolyq baqylaýǵa alyndy. Elimizdiń Qorǵanys mınıstrligi men Tótenshe jaǵdaılar jónindegi komıtet, oblys ákimdigi, ishki ister departamentiniń ókilderi tarapynan Arys qalasynda aýqymdy jumystar atqarylýda. О́rt tolyq sóndirilip, kósheler men úıler tekserýden ótken.

«Arys qalasyna turǵyndardy apta sońynda kirgizetin bolamyz. Ýaqytyn naqty 28 maýsym kúni habarlap aıtamyz. Sebebi, halyqtyń qaýipsizdigi úshin qalany áli de tolyq tazartýymyz qajet. Turǵyndardy qalaǵa kirgizý úshin Arys qalasy 17 sektorǵa bólindi. Osy sektorlarǵa oblysymyzdyń 16 aýdanynan 640 jaýapty (1 aýdan – 40 adam) azamat bekitildi. Turǵyndar úıine oralǵan soń turǵyn-jaılaryna keltirilgen shyǵyndar boıynsha bekitilgen qyzmetkerler foto-vıdeofıksasııa jasaıdy. Osy materıaldar keltirilgen shyǵyndardy esepteýge kómek beredi. Turǵyndardy úılerine ornalastyrý úshin oblystyq polısııa qyzmetkerleri men dárigerler, tótenshe jaǵdaı departamenti men quzyrly mekemeler úzdiksiz qyzmet kórsetedi. Arys qalasy tolyq qalpyna keledi. Alańdaıtyn eshteńe joq. Memleket tarapynan arystyqtarǵa qoldaý kórsetiledi. Bul qıyndyqty da birge eńsere alamyz», –dedi О́.Shókeev.

Sondaı-aq Arysqa arnaıy kelgen «Nur Otan» partııasy Tóraǵasynyń Birinshi orynbasary Máýlen Áshimbaev apatqa qatysty óz oıyn bildirip, respýblıka boıynsha ashylǵan gýmanıtaralyq kómek týraly aıtyp ótti. «Búgingi tańda 9 oblystan gýmanıtarlyq kómek jetkizildi. Barlyq oblystarda Arys qalasyna kómek berý bólimderi ashyldy. Bul – qazaqstandyqtardyń arystyqtarǵa kórsetilip jatqan qaıyrymdylyq sharasy. Aldaǵy ýaqytta qurylys materıaldaryn jetkizýge muryndyq bolamyz», – dedi.

Aıta ketsek, Arystaǵy tótenshe jaǵdaıdyń shyǵyny men zardabyn joıý úshin oblys ákimdigi tarapynan arnaıy qor quryldy. Qazirdiń ózinde bul qorǵa 200 mln. teńgeden astam qarjy jınalyp úlgerdi. О́ńirlerden gýmanıtarlyq kómekter de jetkizilip jatyr. Aldaǵy ýaqytta shyǵyndar kólemi anyqtalǵan soń nysandardy qalpyna keltirý jumystary bastalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir