Kásipker Arystaǵy úılerdi tegin jóndeýge daıyn

BI Group qurylys kompanııasynyń basshysy Aıdyn Rahymbaev Arystaǵy úılerdi tegin jóndeýge daıyn dep habarlaıdy Qamshy.kz aqparat agenttigi. 

Bul týraly Aıdyn Rahymbaev óziniń Facebook paraqshasynda jarııalady. 

Rahymbaevtyń aıtýynsha, qazirgi tańda, qurylysshylar qalaǵa kirý úshin áskerılerden ruqsatty kútip otyr.  

“Bizdiń qurlysshylar Arys turǵyndaryna kómektesýde. Áskerılerdi kútip otyrmyz. Qalaǵa kirýge ruqsat berse, úılerdiń jóndeý jumystaryn bastaıdy. Bizdiń qurylysshy toptary Túrkistan jáne Shymkentten kerek qural-jabdyqtarmen shyǵýǵa daıyn otyr. Biz 100 mln teńge qarajat bóldik. Az degende 100 úıdi qalpyna keldiremiz degen úmittemiz. Egerde taǵy qarajat kerek bolsa, árıne, kómek qolyn sozamyz. Jerlesterim! Barlyǵy jaqsy bolady. Jerlester, myqty bolyńdar, biz birgemiz”, - dedi Rahymbaev.