• USD 378.65
  • EUR 430.07
  • RUB 6
  • CNY 55.1
25 Tamyz, 08:00:50
Qoryqshylardyń materıaldyq-tehnıkalyq bazasy kúsheıtiledi

26 Maýsym, 2019

QMDB ujymy Arysta zardap shekkenderge birkúndik jalaqylaryn aýdardy

QMDB qyzmetkerleri Arys qalasyndaǵy qaıǵyly oqıǵaǵa baılanysty bir kúndik jalaqylaryn zardap shekkenderge aýdarady.

QMDB qyzmetkerleri Arys qalasyndaǵy qaıǵyly oqıǵaǵa baılanysty bir kúndik jalaqylaryn zardap shekkenderge aýdarady, dep habarlaıdy Qamshy.kz aqparat agenttigi QMDB baspasóz qyzmetine silteme jasap. 

Bas múftı Serikbaı qajy Oraz bastamashy bolyp osyndaı ıgi isti qolǵa aldy. Atalǵan saýapty iske ár qyzmetker óz erkimen kelisip otyr. Atalǵan istiń bastamashasy bolǵan Bas múftı: «Bul dinimizge saı keshegi apattan zardap shekkenderge kómek berý maqsatynda júzege aspaq. Qazirdiń ózinde Nur-Sultan qalasyndaǵy birneshe meshitterde «Elorda asary» atty qaıyrymdylyq sharasy bastalyp ketti. Kúni keshe tosynnan kelgen apatqa tosyrqap qalǵan el-jurtty sabyrǵa shaqyrý maqsatynda jergilikti meshitterimiz aýqymdy jumystar atqardy. Anasynan adasyp qalǵan balalar sol mańaıdaǵy meshitterdi panalady. Odan bólek Shymkent pen Taraz qalasyndaǵy iri meshitter de saýapty iske ortaqtasýda. Qazaqta «qaıǵyny bólisseń azaıady» degen bar.

Mine, qıyn kúnderde bir jaǵadan bas, bir jeńnen qol shyǵaryp jumyla judyryq bop jatyrmyz. Barshasyna Alla razy bolsyn. Bizdiń qyzmetkerler de bir kúndik jalaqysyn Arystaǵy aǵaıynǵa aýdarýdy jón sanady» - dedi. Aıta keteıik, Bas múftıdiń tapsyrmasyna saı Arys halqyna Shymkent jáne Túrkistan oblysyndaǵy ókildikter de jan-jaqty kómek berýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir