Meshit mańynda jýrnalısterge shabýyl jasaǵan kimder?

25 maýsymda Arystan evakýasııalanǵan turǵyndar jaıly Shymkenttegi meshitten vıdeoreportaj túsirip júrgen Vlast tilshileri Qanat Beısekeev pen Ádilet Ábishke belgisiz adamdar shabýyl jasaǵan dep jazady Qamshy.kz aqparat agenttigi.

Oqıǵaǵa polısııa aralasyp, jýrnalısterdi Abaı aýdandyq ishki ister bólimshesine aparǵan. Olardan oqıǵa jaıly surastyrǵan soń bir saǵattan keıin bosatqan. Jýrnalısterge kimniń shabýyl jasaǵany áli belgisiz.

Oqıǵany óz kózimen kórgen belsendi Aıgúl Orynbektiń jazýynsha, belgisiz adamdar jýrnalısterge "Oqıǵany shynaıy aıtpaısyzdar" dep shaǵymdanyp, shabýyl jasaǵan.

"Aqparat maıdanynda júrý ońaı jumys emes! Zardap shekkenderge kómek beremiz dep baryp, soqqyǵa jyǵyldyq. Ulttyq Qaýipsizdik komıtetiniń aralasatyn ýaqyty kelgen sııaqty. Tótenshe qyzmet, ulttyq ulan, polısııa, qorǵanys mınıstrligi, ákimdik myna jaǵdaıdy ıgere almaı jatyr. Sebebi meshitke kómek berem dep kelgen adamdardyń shyn nıetin anyqtaý kerek! Provakatorlar halyqty bılikke qarsy qoıyp, qazaq balasyn, káris balasy dep bizdiń kózimizshe tepkilip uryp tastady. Olardy túsirip turǵan bizdiń qolymyzdan qaıyryp telefonymdy almaqshy boldy. "Oqıǵany shynaıy aıtpaısyzdar"- deıdi. "Basy julynǵan adam bar"- dep aıqaılaıdy, biraq naqty vıdeoǵa eshteńe aıtpaıdy. Kóbisi saqaldy, qysqa balaqtylar!
Sózderi agressııaǵa toly, "qazaqtyń jeri"-de aıqaılaǵannan basqa eshteńe aıta almaıdy. "Meshitte otyryp alyp eshqandaı kómek joq bılikten"- dep aıtyp otyrǵan ýaǵyzdary, júıkesi tozyp otyrǵan halyqty odan saıyn órshite túsýde! Arystyń qaıǵysyn árkim óz paıdasyna paıdalanýda!
Ulttyq Qaýipsizdik komıteti tóraǵasy K.Másimov myrza qoǵam belsendisi retinde bizdegi oqıǵany óz baqylaýyńyzǵa alýyńyzdy suraımyn!
Memlekettiń qaýipsizdigi úshin dál qázir búkil qurylymdyq kúshter birigý kerek!" - dep jazdy Aıgúl Orynbek.