• USD 378.65
  • EUR 430.07
  • RUB 6
  • CNY 55.1
20 Tamyz, 16:19:20
Alpınısterdiń naqty qaı jerde ekeni áli belgisiz

26 Maýsym, 2019 Saıasat

1-shildeden bastap qazaqstandyqtardyń ómiri qalaı ózgeredi?

Qazaqstan halqyn aldaǵy aıdyń alǵashqy kúninen bastalatyn úlken ózgerister kútip tur. Áleýmettik kómektiń, járdemaqynyń kóbeıýi, sondaı-aq, Ulttyq banktiń quziretiniń artýy... jáne basqa da ózgeris ákeletin baǵyttardyń qoldanysqa enendi. Bárin erterek bilip, zamana yǵyna qaraı baǵyt alyńyz.

Qamshy.kz aqparat agenttigi aldaǵy aıdyń 1-juldyzynan bastap zańnamalar men qoǵamdyq kómektiń, áleýmettik járdemaqylardyń ózgerisi týraly taldaıdy. Bile júrińiz! Keregińizge jaratyńyz!

Múgedek balalardy asyraýshylarǵa beriletin járdemaqy kóbeıedi

1

Elimizde 1-shildeden bastap erekshe qajettilikteri bar múgedek balalardy baǵatyn azamattarǵa jáne birinshi toptaǵy múgedek balalardy bala kúninen baǵyp-qaǵyp kele jatqan ata-analarǵa tólenetin járdemaqynyń kólemi artpaq. Bul ózgerister Qazaqstannyń «Memlekettik járdemaqylar» týraly zańyna engizilgen.

О́zgeristen keıingi járdemaqy kólemi – 41 578 teńge. Dál qazirgi ýaqytty memleket tarapynan bólinetin kómektiń kólemi – 31 183 teńge. О́zgergen sýmmadaǵy járdemaqyny 95 myńnan asa adamǵa berý kózdelýde.

Kedeılik deńgeıiniń kóterilýi

2

Búgingi tańda elimizdegi eń tómengi tabys kólemi – 29 698 teńge. Mınımým kórsetkishti memleket ómir súrýge jetkilikti dep esepteıdi.

QR Eńbek jáne halyqty áleýmettik qorǵaý mınıstrligi aldaǵy aıdan bastap elimizdegi kedeılik deńgeıin kóterýdi josparlap otyr. «Kedeılik deńgeıin anyqtaý» týraly buıryqqa engizilgen ózgerister osy dárejedegi halyqtyń tabysyn 20 paıyzǵa arttyrýdy maqsat etedi.

Ulttyq bank sheteldik kompanııalardyń jumysyn qadaǵalaı bastaıdy

4

1-shildeden bastap elimizdegi qarjylyq emes sheteldik uıymdar men kompanııalar ózderiniń valıýtalyq operasııalary týraly Ulttyq bankke esep berip turady. Jańa ereje «Valıýtanalyq aınalymdy retteý jáne valıýtany qadaǵalaý» týraly zańǵa sáıkes júzege asty.

Ulttyq bank esep beretin kompanııalar qataryna kiretinder tizimin jarııalady. Olar: munaı shıkizatyn óndiretinder; tabıǵı gaz óndiretin; qurylys kompanııalary; baǵaly zattardy óńdeıtin jáne óndiretin; arhıtektýralyq, ınjenerlik jine tehnıkalyq qyzmet kórsetetin; ǵylymı-zertteý jáne tájirıbelik-konsıtrýktorlyq qyzmet kórsetetin kompanııalar.

Valıýta aıyrbastaý ortalyqtary jańa ereje boıynsha jumys jasaıdy

5

Aldaǵy aıdan bastap Qazaqstandaǵy valıýta aıyrbasynyń jańa erejeleri kúshke enedi. Áirese, jańa erejeler, eń aldymen, valıýta aıyrbastaý pýnkterinde qoldanysqa qosylady.

Valıýta aıyrbasyna qatysty jańa erejeler iri sýmmalarǵa qatysty. Mysaly, sizdiń sheteldik valıýtaǵa aıyrbastaǵyńyz keletin aqshańyz 100 myń dollardan asyp ketse, jaýapty bank tutynýshyǵa kelisimshart usynýy tıis. Bul kelisimshart ekijaqty taraptyń mindetterin anyqtap, zańdastyryp beredi.

Kassalyq apparattardyń onlaın júıege kóshýi

6

Ústimizdegi jyldyń 1-shildesinen bastap QR Qarjy mınıstrliginiń №3 usynysy kúshine enedi.

16-aqpan, 2018 jyl. №206 buıryq: «Qazaqstan Respýblıkasynyń aýmaǵynda salyq tóleýshilerdiń qarajatyn esepteýdiń júzege asyrylýyndaǵy qyzmet túrleri kassalyq esepshottardy esepke alý jáne (nemese) qolma-qol aqshany berý».

2019 jyly kvartaldyq ýaqyt mejesinde 633 qyzmet kórsetý túriniń jumys barysynda onlaın kassalyq apparatty engizý týraly sheshim qabyldanǵan:

2019 jyldyń 1-sáýirinen bastap – 323 qyzmet túrine;

2019 jyldyń 1-shildesinen bastap – 86 qyzmet túrine;

2019 jyldyń 1-qazanynan bastap – 224 qyzmet túrine onlaın kassa apparaty engiziledi.

Aıta ketý kerek, onlaın kassalyq apparatty engizý qajettiligi tek jalpy qoldanysqa arnalǵan telekommýnıkasııalyq baılanys ornatylǵan jerlerge ǵana mindetteledi.

Azamattyq úkimet kommersııalyq zańdy ókilderdi tirkeı alady

7

2019 jyldyń 2-sáýirinde «QR zańdaryna kásipkerlik ortany damytý úshin jáne turaqty saýda qyzmetin kórsetý úshin birqatar ózgertýler men tolyqtyrýlar engizý» týraly Zań qabyldandy.

Sol Zań «Azamattyq úkimet» uıymyna zańdy tulǵalardy memlekettik tirkeýden ótkizýge, fılıaldar men ókildikterdi tirkeýge, kommersııalyq uıymdar men memlekettik korporasııalardyń qyzmetine qatysty sheshimder qabyldaý fýnksııasyn alyp berdi.

Ústimizdegi jyldyń 1-shildesinen bastap joǵaryda atalǵan qyzmetterdi «Azamattyq úkimet» memlekettik korporasııasy kórsete alady.

QR IIM endi júrgizýshi kýáligin alý úshin tapsyrylatyn emtıhandardy qabyldamaıdy

8

1-shildeden bastap Ishki ister mınıstrligi azamattardan júrgizýshi kýáligin berý úshin tapsyrylatyn emtıhandardy qabyldamaıdy. Bul qyzmetti IIM-niń emtıhandyq tirkeý bólimi atqaryp kelgen.

Bul fýnksııa joǵaryda atalǵan «Azamattyq úkimet» memlekettik korporasııasyna beriledi. Bul uıymǵa qazirgi ýaqytta halyqqa qyzmet kósretý ortalyqtary men arnaıy qyzmet kórsetý ortalyqtary qarasty.

Arnaıy qyzmet kórsetý ortalyqtary emtıhan alyp, júrgizýshi kýáligin alýǵa múddeli adamnyń barlyq ýaqyttaǵy áreketterin tekserip, qujat daıyndaı alady.

Shylymnyń baǵasy taǵy da ósedi...

9

2018 jyldyń qarasha aıynda QR Úkimeti «Súzgisi bar sıgarettiń, súzgisi joq shylym men papırostyń mınımaldy saýda baǵasyn bekitý týraly» qaýlyǵa ózgeris engizildi.

Osy qujatqa sáıkes, elimizde árbir jarty jyl saıyn bir qorap shylymnyń orta baǵasyna 20 teńge qosylyp otyrady.

Dál qazir shylymnyń bir qorabynyń naryqtyq ortasha baǵasy – 380 teńge. 2019 jyldyń 1-shildesinen bastap bul baǵa 400 teńgege ósedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir