• USD 378.65
  • EUR 430.07
  • RUB 6
  • CNY 55.1
21 Tamyz, 11:22:36
Alpınısterdiń naqty qaı jerde ekeni áli belgisiz

26 Maýsym, 2019

Áleýmettik jelide qyzý talqyǵa túsken sarbazǵa kásipker qomaqty qarjy berdi

Azamat eken! Kásipker qaltasyna súńgitken býma aqshany el ıgiligine jumsamaq.

Arystaǵy beınejazba arqyly tanymal bolǵan  27 jastaǵy Isataı Álibaev ata-anasyna joldaǵan beınejazbadan soń belgisiz kásipker qomaqty qarjy bergenin aıtady dep jazady Qamshy.kz aqparat agenttigi.

Ol bul aqshany arystyq turǵyndarǵa bermekshi

Sarbazdyń aıtýynsha, ol kásipkerdi kóshede kezdestirgen. Turǵyndardy evakýasııalaýǵa kómekteskeni úshin alǵys bildirip, qolyna bir býma on myńdyqtardy ustatqan. Alaıda Isataı Álibaev kútpegen syılyqtan bas tartqanymen, kásipker onyń isimen maqtan tutatynyn aıtyp, qaltasyna salypty.

"Bul óte qomaqty qarjy, sanamadym, biraq 100 myń teńgeniń aınalasynda. Tipti, odan da kóp bolýy múmkin. Men bul aqshany alǵym kelmedi. Biraq ol aıtqanynan qaıtpady: "Sen jaradyń. Men seni maqtan tutamyn!" - dedi de, qolymdy alyp, qushaqtady.

"Men tek óz áskerı mindetimdi oryndadym. Meniń ornymda kez-kelgen adam osylaı jasap edi. Bul aqshany Arys qalasynyń turǵyndaryna beremin. Olardyń kóbisiniń úıleri túgeldeı qırap qalǵan.

Sondaı-aq, barsha qazaqstandyqtardy Arys jurtyna qarajat jınaýǵa shaqyramyn.Kim qansha bere alady, meıli 50, 100, 200 teńge bolsyn jáne azyq-túlik, kıim-keshekpen bolsyn. Olarǵa árbir kómegimiz qajet", - deıdi Isataı Álibaev.

Buǵan deıin atyshýly beıne keıipkeri TJ kezinde  nege beınejazba túsirgenin aıtty. Ol birneshe metr qashyqtyqta snarıadtar jaryla bastaǵan kezde "ólemiz" dep oılap, sońǵy jáne jalǵyz tilegi ata-anasyn qalaı jaqsy kóretinin aıtý bolǵan. Biraq sodan keıin  óz-ózin qolǵa alyp, oqıǵa mańynda qalǵan azamattyq adamdardy qutqarýdy jalǵastyrdy.

Esterińizge sala keteıik, 24-maýsymda Túrkistan oblysynyń Arys qalasynda tótenshe jaǵdaı oryn alǵan bolatyn. Turǵyndar óz úılerin tastap qashqan. Qazirgi ýaqytta qala bos tur.

Arys turǵyndary úshin gýmanıtarlyq kómek jınaýdy Almatyda qoǵamdyq qozǵalystardyń belsendileri bastaǵan bolatyn. Sondaı-aq, Nur Otan kómek jınaý meken-jaıyn jarııalady. Qaraǵandy oblysynyń partııa músheleri birinshi bolyp ún qosty. Keshe Arys qalasyna azyq-túlik ónimderi, kıim-keshek, jeke bas gıgıenasy zattary jáne alǵashqy qajettilik zattary bar 10 tonna gýmanıtarlyq júk jóneltildi.

Twitter-de Qazaqstan Prezıdenti Qasym-Jomart Toqaev Arys turǵyndaryna kómek kórsetkeni úshin qazaqstandyqtarǵa alǵysyn bildirdi. Memleket basshysy barlyq eriktilerge alǵysyn bildirip, Arys qalasyn qalpyna keltiretinin, al memleket turǵyndarǵa kómektesetinin atap ótti.

Aýdarǵan: Aqjibek Aralbek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir