Mańǵystaýlyqtar Arysqa kómektesedi

Jumyla kótergen júk jeńil. Mańǵystaý oblysynda «Nur Otan» partııasynyń oblystyq, aýdandyq jáne aýyldyq  fılıaldarynda gýmanıtarlyq kómek qabyldaý pýnktteri ashyldy. Onda Arys qalasyndaǵy tótenshe jaǵdaıdan zardap shekken turǵyndarǵa qajetti turmystyq zattar men azyq-túlikter jınalýda. Buǵan qosa, partııanyń oblystyq fılıalynyń ujymy bir kúndik jalaqylaryn aýdardy.

-Barlyq mekeme jumysshylary mekemeler, turǵyndar bizde gýmanıtarlyq kómek qabyldaý pýnkti jumys jasap jatyr sondyqtan kimde kim qandaı kómek beretin bolsa, kelip kómekterin berýge bolady. Men Mańǵystaýlyqtardy ózimniń partııalastarymdy bastaýysh partııa uıymdaryn osy Arys qalasynyń turǵyndaryna kómek kórsetýge shaqyramyn, deıdi «NUR OTAN» partııasy Mańǵystaý oblystyq fılıaly tóraǵasynyń birinshi orynbasary Elýbaı Ábilov.

Sondaı-aq, Arystaǵy aǵaıynǵa Mańǵystaý oblysy «Atameken» kásipkerler palatasynyń ujymy da bir kúndik jalaqylaryn aýdaratyn bolyp sheshti. Muny oblys, qala men aýdandardaǵy barlyq qyzmetkerler bir aýyzdan qoldap otyr.  «Bastyń amandyǵy, eldiń tynyshtyǵy, ana men bala jylamaı, shańyraq shaıqalmaı, memleket irgesiniń bútindigi-osy bizdiń baǵa jetpes qundylyǵymyz ekenin túsineıik! «Atameken» UKP zardap shekkenderge qoldaý bildirip, kómek kórsetý úshin «Meniń Atamekenim» qorynyń esepshotyn da usynady»,- deıdi óńirlik kásipkerler palatasynyń dırektory Nurbek Qarasaev.