«Arysqa jylý» qaıyrymdylyq aksııasy eriktilerdi shaqyrady

Almaty qalasy meshitteriniń uıymdastyrýymen «Arysqa jylý» qaıyrymdylyq aksııasy eriktilerdi shaqyrady dep habarlaıdy Qamshy.kz aqparat agenttigi.

Bul týraly Almaty Ortalyq meshitiniń baspasóz qyzmeti málimdedi.

"Qurmetti qala turǵyndary!

Sizderdi, Arys qalasynda bolǵan tótenshe jaǵdaıdan zardap shekken azamattarǵa kómek kórsetý maqsatynda Almaty qalalyq meshitterinde uıymdastyrylǵan «Arysqa jylý» atty qaıyrymdylyq aksııasyna úles qosýǵa shaqyramyz!

Qabyldanatyn zattar:

- Azyq-túlik (buzylmaıtyn)

- Kıim-keshe

- Kórpe-tósek

- Gıgıenalyq zattar

- Aqshalaı jáne t.b.

Sonyń ishinde, qarjylaı kómek kórsetem deýshilerge qala meshitterinde qoıylǵan «Arysqa jylý» atty jáshikter qyzmet kórsetedi. Odan bólek qarjyny QMDB «Zeket» Korporatıvtik qorynyń Shymkent qalasy boıynsha ókildiginiń esep shotyna aýdarýǵa bolady.

Qaıyrymdylyq kerýeni osy aptanyń senbi kúni, ıaǵnı 29 maýsym kúni Almaty Ortalyq meshitinen jóneltiletin bolady.   

Dana halqymyz «tas túsken jerine aýyr» degendeı, Almaty jurtshylyǵy Arystaǵy aǵaıynǵa Alladan jeńildik pen sabyr tileı otyryp, kóńil bildiremiz. Alla Taǵala el-jurtymyzdy túrli apattardan saqtap, tynyshtyǵynan aıyrmasyn.    

QMDB «Zeket» Korporatıvtik qorynyń Shymkent qalasy boıynsha ókildiginiń esep shoty:

BIN: 130441029965KZ 126010291000064130KZTKod-18, KNP-119BIK: HSBKKZKX