• USD 468.56

  • EUR 497.56

  • RUB 7.3

  • CNY 67.18

29 Naýryz, 00:15:54
Almaty
+35°

Partııanyń uıymdastyrýymen elimizdiń barlyq óńirinde gýmanıtarlyq kómek qabyldaıtyn oryndar ashylyp, olar táýlik boıy jumys istep jatyr. Qazirdiń ózinde partııanyń bastamasymen birqatar oblystan azyq-túlik, kıim-keshek jáne basqa da kerek-jaraqtar tıelgen avtorkerýender jolǵa shyqty. Olardyń aldy mejeli jerge jetip, halyqqa úlestirilip te jatyr.

Bul týraly partııa Tóraǵasynyń Birinshi orynbasary Máýlen Áshimbaev Facebook-tegi paraqshasynda jazdy. nur otan

«Alǵashqylardyń biri bolyp keshe partııamyzdyń Qaraǵandy oblystyq fılıaly azyq-túlik, kıim-keshek jáne basqa da kerek-jaraqtardan turatyn 10 tonna gýmanıtarlyq kómek jiberdi. Partııanyń muryndyq bolýymen Qyzylorda, Aqtóbe, Pavlodar, Qostanaı jáne Soltústik Qazaqstan oblystarynan da avtokerýender jolǵa shyqty», – delingen jazbada.

Sonymen qatar jazbada zardap shekken arystyq balalardyń jazǵy demalystary da nazardan tys qalmaıtyny aıtylǵan.

«Partııamyzdyń Aqmola oblystyq fılıaly Shýchınsk-Býrabaı demalys oryndarynda arystyq 100 balanyń demalysyn qamtamasyz etedi. Pavlodar oblysy da jazǵy maýsymda 300 balanyń demalysyna jaǵdaı jasaýǵa daıyn. Osyǵan baılanysty balalardyń tizimin jasaqtaý jumystary da bastalyp ketti», – deıdi Máýlen Áshimbaev. nur otan

Qazirgi tańda «Nur Otan» partııasy janyndaǵy Balalar quqyǵyn qorǵaý jónindegi respýblıkalyq keńestiń ókilderi, sonyń ishinde bilikti psıholog mamandar apat bolǵan óńirge arnaıy baryp, zardap shekken ata-analar men balalarǵa jan-jaqty kómek kórsetýde. Sondaı-aq «Jas Otan» jastar qanatynyń músheleri aımaqtaǵy eriktilerdiń basyn qosyp, bilek sybanyp áreket etýde.

Máýlen Áshimbaev jelidegi jazbasynda aldaǵy ýaqytta da partııa tarapynan qolǵa alynǵan osy baǵyttaǵy aýqymdy jumystar qarqyndy túrde jalǵasatynyn aıtqan. nur otan

Odan bólek, «Nur Otan» partııasynyń músheleri, kásipker azamattar da bul jaǵdaıǵa beıjaı qaramaı, kómek qolyn sozyp jatyr. Atap aıtqanda, Aqtóbe oblystyq máslıhatynyń depýtaty, «Nur Otan» partııasy Saıası keńesiniń múshesi T.Esenǵulov tótenshe jaǵdaıdan zardap shekken azamattarǵa kómek kórsetý maqsatynda 50 mıllıon teńge qarajat bólgen. Partııa Saıası keńesiniń taǵy bir múshesi, atyraýlyq kásipker 1 mıllıon teńge kóleminde qarjylaı qoldaý kórsetse, Shymkent qalalyq máslıhatynyń depýtaty, «Nur Otan» partııasy fraksııasynyń múshesi Shyńǵys Qozbaqov 2 mıllıon teńge aýdarǵan.

Apattyń saldarynan temir joldaǵy qozǵalystar shektelip, keıbir jolaýshy poıyzdarynyń kidirýge májbúr bolǵany belgili. Soǵan baılanysty partııanyń Qyzylorda oblystyq fılıalynyń uıymdastyrýymen kidirgen 5 poıyzdaǵy 1200 jolaýshyǵa aýyz sý men ystyq tamaq tegin taratyldy. Sondaı-aq 15 jolaýshyǵa qajetti medısınalyq kómek kórsetildi. nur otan

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir