Jarylys kezinde ata-anasymen qoshtasqan jigit: "Bizdiń aman qalýymyz ekitalaı edi. Ǵajaıyp boldy!" (vıdeo)

Arystaǵy jarylys kezinde ata-anasyna sálem joldap, qoshtasqan sarbazdyń vıdeosy áleýmettik jelide qyzý talqyǵa túsken bolatyn dep jazady Qamshy.kz aqparat agenttigi. Ol keıin qashyp ketken sarbazdar men komandırlerdi de synǵa alyp vıdeo jarııalady. Jarylys kezinde ólip ketsem, ata-anammen qoshtasa almaı qalamyn ba dep qoryqqan sarbazdyń kim ekeni belgili boldy. 

Isataı Álibaev 27 jasta, Almatynyń týmasy. Úılengen 4 aı buryn áke atanypty. Áskerge 2011 jyly shaqyrylyp, sodan beri leıtenant shenine deıin kóterilgen. 

Ol bastapqyda ne bolyp jatqanyn túsine almaǵan. Bastapqyda bombalaý bastaldy dep oılaǵan. 

"Oqıǵa shamamen 9:15-9:20 aralyǵynda boldy. Snarıadtar ushyp, jarylyp jatty. Bizdi bombalap jatqandaı boldy. Qaıda jasyrynsań da esh paıdasy bolmady. Barlyǵy birdeı qırap, qulap jatty. Áreń qutyldyq. Bizdiń aman qalýymyz ekitalaı edi. Ǵajaıyp boldy!", - deıdi Isataı Álibaev. 

Leıtenant 2-3 metr jerde snarıadtardyń jarylyp jatqanyn kórgen kezde ólemin dep oılaǵan. Muny ol jasyrmady da. Aqyrǵy tilegi ata-anasyn qalaı jaqsy kóretinin aıtyp qalý bolypty. Osylaı leıtenant áleýmettik jelide qyzý talqylanǵan vıdeony túsirgen.

"Kóz aldyńyzǵa elestetińizshi. Kez kelgen mınýtta, tipti sekýndta ólip ketýim múmkin edi. О́ler aldynda ata-anamdy qatty jaqsy kóretinimdi aıtyp, qoshtasýdy jón kórdim. Solaı istetim de. Keıin óz-ózimdi qolǵa aldym. Bergen antym men kıgen formamdy oılap, sabyrǵa keldim. Ýádemde turýym kerek, ne bolsa da turǵyndardy qutqarýǵa tyrystym. О́zim ólip ketsem de, qolymnan kelgenshe qarapaıym halyqty qutqarýym kerek dep oıladym. О́z-ózime kelgen soń iske kiristim. Turǵyndardy evakýasııalaýǵa kómektestim. Basqa da birneshe vıdeo túsirdim. Birneshe jol apaty boldy. Dúrbeleń men adamdardyń qorqynyshy jol apatyna ákelip soqty. Aıǵaılap, beıádep sózderdi aıtýǵa týra keldi. Kólikterdi toqtatyp, turǵyndardy alyp ketsin dedim. Keıin qalyp qoıǵan adamdardy izdestire bastadym. Kez kelgen adamda qorqynysh bolady. Biraq ár adam sol qorqynyshyn jeńe bilgeni durys. Meniń anam 1967 jyly, al ákem 1966 jyly dúnıege kelgen. Anam aýrýhanada jumys isteıdi. Al ákem kásipker. ", - dedi leıtenant.