• USD 378.65
  • EUR 430.07
  • RUB 6
  • CNY 55.1
21 Tamyz, 11:50:25
Alpınısterdiń naqty qaı jerde ekeni áli belgisiz

21 Maýsym, 2019 Mańǵystaý oblysy

Mańǵystaýlyq memlekettik qyzmetshiler kásibı merekelerin atap ótti

Mańǵystaý oblysynyń ákimdigi men QR Memlekettik qyzmet isteri agenttiginiń aýmaqtyq departamenti «Memlekettik qyzmetshi kúnin» atap ótti.

 

Sharaǵa Mańǵystaý oblysy ákiminiń birinshi orynbasary Álıhan Qyraýbaev, QR Memlekettik qyzmet isteri agenttiginiń Mańǵystaý oblysy boıynsha departamentiniń basshysy, Ádep jónindegi keńes tóraıymy Nurgúl Jannazarova, oblystaǵy basqarma basshylary, aýdan-qala ákimderi, máslıhat, arnaıy jáne quqyq qorǵaý, jergilikti, sonymen qatar ortalyq atqarýshy organdary óńirlik departamentteriniń basshylary, memlekettik qyzmet salasynyń ardagerleri, iri kásiporyn basshylary, ádebıet, óner, mádenıet salasynyń maıtalmandary, ulttyq etnomádenı ortalyqtarynyń ókilderi, qoǵam belsendileri jáne memlekettik qyzmetshiler qatysty. memlekettik qyzmetshiler

Merekelik shara QR memlekettik gımnimen bastalyp, qyzmetin jańadan bastaǵan memlekettik qyzmetshilerdiń ant qabyldaý rásimimen jalǵasty.

Alǵashqy bolyp sóz alǵan Mańǵystaý oblysy  ákiminiń birinshi orynbasary Álıhan Qyraýbaev, táýelsiz elimizde qolǵa alynyp jatqan jasampazdyq jobalardy, baıandy baǵdarlamalardy júzege asyrý jolyndaǵy jumystardyń bastamasy  men jaýapty qyzmette eńbek etip jatqan memlekettik qyzmetshilerdiń eńbegi zor dedi. Sanaly ǵumyryn memlekettik qyzmetke arnap, onyń damýyna zor úles qosqan ardagerler de, bul saladaǵy qyzmetin jańadan bastap kele jatqan, jalyndy jastar da barshylyq ekendigin atap ótti.

Shara barysynda oblys  ákiminiń birinshi orynbasary «Qazaqstan Respýblıkasynyń úzdik memlekettik qyzmetshisi» respýblıkalyq baıqaýynyń jeńimpazdary Ásel Balmanova men Raýshan Kesikbaevanyń esimderin erekshe atap ótti. Al atalmysh baıqaýdyń oblystyq 4 jeńimpazyna alǵys hat tabystalatyn bolady. memlekettik qyzmetshiler

Sondaı-aq, qyzmettegi eńbegi úshin kózge túsken birqatar memlekettik qyzmetshiler alǵys hatqa ıe boldy. О́ner men mádenıette, sport, ǵylym salasynda jáne qyzmette erekshe jetistikterge qol jetkizgeni úshin de marapattalǵandar az bolmady. Sonymen birge, departament tarapynan uıymdastyrylǵan shyǵarmashylyqqa jaqyn memlekettik qyzmetshiler arasyndaǵy oblystyq músháıra jeńimpazdary men «Memlekettik qyzmet – meniń tańdaýym» taqyrybyndaǵy daıyndalǵan beınerolık úzdigi de marapattaldy.  

Osylaısha, memlekettik qyzmetshiler kúnine arnalǵan merekelik shara konserttik baǵdarlamamen jalǵasyn tapty.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir