• USD 378.65
  • EUR 430.07
  • RUB 6
  • CNY 55.1
21 Tamyz, 09:55:46
Alpınısterdiń naqty qaı jerde ekeni áli belgisiz

21 Maýsym, 2019 Atyraý oblysy

Atyraý oblysynyń depýtattaryna óńirdegi atqarylyp jatqan jumystar týraly baıandaldy

Oblystyq máslıhat otyrysynyń kezekti májilisinde jol jumystary týraly aqparat, bıýdjettiń oryndalýy men áskerge shaqyrtý máselesi tyńdaldy.
Oblystyq jolaýshylar kóligi jáne avtomobıl joldary basqarmasynyń basshysy Áset Orazǵalıev, depýtattarǵa «Nurly jol» memlekettik baǵdarlamasy boıynsha atqarylǵan jumystar týraly málimdedi.
- «Aktóbe-Atyraý-Astrahan» tas jolyn qaıta jańartý jumystary júrgizilýde. 128 shaqyrym avtokólik tas jolyn jańartý jumystary úshin kelisimshartqa qol qoıyldy. Búgingi tańda 330-370 shaqyrym aralyǵyndaǵy joldyń joǵary qabatyn alyp tastaý, sondaı-aq, aınalma jol qurylysynyń jumystary júrgizilýde. Jumysqa 212 adam, 133 qurylys tehnıkasy jumyldyryldy, - deıdi Áset Orazǵalıev. atyrau
418-458 shaqyrym aralyǵyndaǵy jóndeý jumysyna 66 jol tehnıkalary men 133 maman tartyldy. Sondaı-aq, Maqat-Dossor avtokólik jolynyń 17 shaqyrymyn jóndeý jumystary júrgizilip jatyr.
Oblystyń bekitilgen bıýdjeti aǵymdaǵy jyly 379 mlrd teńgeni qurady. Otyrys barysynda depýtattar aımaqtaǵy bilim berý, densaýlyq saqtaý, mádenıet jáne qurylys salasyndaǵy mańyzdy jobalardy júzege asyrý úshin qosymsha qarajatty bekitti.
Qarjy basqarmasynyń basshysy depýtattarǵa 2018 jylǵa arnalǵan bıýdjettiń oryndalýy týraly málimdedi. Sonymen qatar, Qorǵanys isteri jónindegi departament basshylyǵy áskerge shaqyrtý máseleleri týraly baıandady.
- Áleýmettik jobalardy, jol qurylysyn, kommýnaldyq qyzmetterdi qarjylandyrý oń nátıjesin berip keledi. Bul atqarýshy bıliktiń barlyq basshylarynyń, depýtattardyń, qoǵamdyq uıymdardyń birlesken jumysynyń nátıjesi, - deıdi Nurlan Noǵaev. atyrau
– Bul jumystar bıylda jalǵasyn tabatyn bolady. Bólingen qarajat oblystyń tirshiligin qamtamasyz etý úshin kóptegen máselelerin sheshýge, halyqtyń ál-aýqatyn arttyrýǵa, aýyz sýmen qamtamasyz etýge, turǵyn úı qurylysyna jáne basqa da birqatar áleýmettik nysandardyń qurylysyna, az qamtylǵan otbasylarǵa qoldaý kórsetýge múmkindik beredi.
Aımaq basshysy memleket tarapynan bólingen qarajattyń óńirdegi ekonomıkany damytý úshin jumsalatynyn atap ótti. Bul sondaı-aq, memlekettik aýqymdy jobalardy iske asyrýǵa, sonyń ishinde «Atyraý-Astrahan» tas jolyn qalpyna keltirý jumystary bolyp tabylady.
Jıyn otyrysynda materıaldyq-tehnıkalyq jabdyqtalǵan áskerge shaqyrtý pýnkteriniń máselesi qaraldy. Oblys ákiminiń aıtýynsha, Mahambet aýdanynda áskerge shaqyrtý úshin áskerı komıssarıat ǵımaratyn salý úshin qarajat bólingen.
Sessııa otyrysynda sondaı-aq, tekserý komıssııasynyń jańa quramy bekitilip, eki depýtattyń mandatyna daýys berildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir