25 Maýsym, 2019 Aıtty-eı, baýyryń!
Baýyrjan Serikbaev: "Bir-birimizdi órtep jiberer me ekenbiz, qaıtemiz?!"
Dostar, sońǵy kezderi eldegi jaǵdaıdy saralap túıgenim, ózimizdi óte bólingish qoǵamǵa uqsatyp baramyn.
Qazir jylaǵan soldatty sókken, kómekke barynsha tyrysyp jatqan úkimettiń jumysyn bas salyp synaǵan, "Arysta analarǵa ASP bermegen sheneýnikter aman ba?" degen keketip-muqatqan jazbalardy, pikirlerdi jıi-jıi lentadan oqyp otyrmyn.
Túrik elinde, AQSh-ta bir katastrofa bolsa demokraty, respýblıkashyly, Erdoǵany men oppozısııasynyń sózi bir jerden shyǵyp, tutasyp xalyqqa kómek qolyn sozatyn qundylyqtar júıesi qalyptasqan. Árıne saılaý, saıası doda ol basqa másele. Ol kezde saıysqa túsedi, daýlasady, dodada birinshi bolýǵa tyrysady. Biraq, el basyna kún týǵan qandaı jaǵdaı bolmasyn qoǵamnyń tutasyp ketetin ımmýnıtetteri óte jaqsy jumys isteıdi.
Arystaǵy jaǵdaıǵa qatysty qazirgi ýaqytta jik-jikke bólinip, ótken-ketkendi qazbalap, bir-birinen astar izdep otyrǵan bizdiń búgingi áreketimiz áli saıası sana men deńgeıdiń ósýin qajet etetin, Qazaqstandyq qundylyqtardyń pisip-jetilmegeniniń kórinisi me degen oıǵa jeteleıdi.
Jarylys bolyp jatyr. Halyq dalada, bala-shaǵa qalada ata-anasynan ajyrap ár jerde júr. Dál osyndaı sátte basqanyń bárin qoıa turyp úkimeti bar, xalqy bar, zııalysy bar tutas Qazaqstan birigip, oıymyz bir jerden shyǵyp, búkil qoǵam birigip bir demmen otyrar ulttyq ımmýnıtet bizde bolýy kerek. Bul jaǵy bizde aqsap jatyr. Dál qazirgi bizdiń psıxologııa "jamandadyń ba do konsa jamanda, qandaı jaǵdaı ekeni mańyzdy emes, bir túırep ót" degenge keledi. Maqtadyń ba qandaı jaǵdaı bolmasyn do konsa maqtaý kerek. El bolamyz desek biz pikirtalastyratyn jerde oı jarystyryp, el bolyp birigetin jerde bir demmen birige de bilýdi úırenýimiz qajet.
Dál osy Arysta bolyp jatqan jaǵdaıda úkimettiń de jumysyn sókpeı, ózara komanda ne partııa bolyp jik-jikke bólinip daýlaspaı, jaǵdaı turaqtanǵansha bir ult, bir qoǵam bolýymyz qajet. Erteń xalyqtyń jaǵdaıy qaýipsiz bolǵannan keıin, Arystaǵy axýal turaqtanǵannan keıin talqylaımyz qalǵan máselemizdi. Erteń de kún bar. Qandaı bolsaq ta biz bir qoǵam, bir elmiz. Tutasyp, birigetin jerimiz ben daýlasyp pikirtalastyrar núktemizdi ajyrata alar qundylyqtardy qalyptastyra bilýimiz qajet. Myna túrimizben kete bersek bóliný, jik-jikke bólshektený ýaqyt óte kele boıymyzǵa ábden sińip bir-birimizdi órtep jeberer me ekenbiz qaıtemiz?!
Áı, aǵaıyn qara xalyq yntymaq kórsetti, úkimet daýryǵyp ketti, demokratııaǵa betteıik deıtin oryn osy tus emes-aý. Prezıdent te sonda júr. Ásker de sonda kómekte. Qazirgi bizdiń taqyryp qalaı kómektesemiz degen basty suraqta bolýy tıis.
Baýyrjan Serikbaevtyń feısbýk paraqshasynan facebook.com
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir